लॉकडाऊन: यूपीएससीच्या 'या' सर्व मुलाखती रखडल्या

नवी दिल्ली:
केंद्रीय लोकसेवा आयोग अर्थात यूपीएससी परीक्षा २०१९ च्या मुलाखतींची प्रक्रिया स्थगित करण्यात आल्याचे काही दिवसांपूर्वी जाहीर करण्यात आले होते. देशभरात लॉकडाऊनची घोषणा तेव्हा झाली नव्हती. आता देश २१ दिवसांसाठी लॉकडाऊन आहे. त्यामुळे यूपीएससीच्या अनेक परीक्षांच्या तारखांमध्ये बदल करण्यात आले आहेत.

यूपीएससीच्या अधिकृत संकेतस्थळावर याबाबतचं नोटिफिकेशन जारी करण्यात आलं आहे. 'देशात करोना व्हायरसमुळे लागलेल्या निर्बंधांच्या पार्श्वभूमीवर केंद्रीय लोकसेवा आयोगाने अनेक परीक्षांच्या मुलाखतींचं शेड्युल बदलण्यात आलं आहे. शिवाय UPSC IES आणि ISS 2020 भरती परीक्षांचं शेड्युलही बदलण्यात येणार आहे. पुढील सूचना मिळेपर्यंत कोणतीही घोषणा केली जाणार नाही.'

पाहा कोणत्या मुलाखतींचं शेड्युल कसं बदललं --

सायंटिस्ट बी (ज्युनियर जियोफिजिसिस्ट) - ३० आणि ३१ मार्चला होणार होत्या मुलाखती.
असिस्टंट प्रोफेसर (अप्लायड आर्ट) - १ एप्रिल २०२० रोजी होत्या मुलाखती.
असिस्टेंट डायरेक्टर (CPDO) - ३ एप्रिल २०२० रोजी होत्या मुलाखती.
अॅडमिनिस्ट्रेटिव ऑफिसर (अॅग्रीकल्चर) - ३ एप्रिल २०२० रोजी होत्या मुलाखती.
असिस्टंट एक्झिक्युटिव इंजीनियर (सिविल) - २३ आणि २४ मार्च रोजी मुलाखती होत्या.
डेप्युटी डायरेक्टर (सेफ्टी) - २५ मार्च रोजी होत्या मुलाखती.
असिस्टंट प्रोफेसर (पेंटिंग) - २६ व २७ मार्च रोजी होत्या मुलाखती.
सायंटिस्ट बी (केमिस्ट) - २४ ते २७ मार्च रोजी होत्या मुलाखती.
इंस्ट्रूमेंटेशन इंजीनियर - ३० मार्चला होत्या मुलाखती.
अॅडिशनल असिस्टंट डायरेक्टर - ३१ मार्चला मुलाखती होत्या.
नॉटिकल सर्वेयर कम डेप्युटी डायरेक्टर जनरल - ७ एप्रिलला मुलाखती होत्या.
अॅडमिनिस्ट्रेटिव ऑफिसर (BRO) - १५ व १६ एप्रिलला मुलाखती होत्या.

मुलांनो, वेळेचं करा 'असं' प्लॅनिंग

उन्हाळ्याची सुट्टी 'अशी' करा यूजफुल!

SARS-CoV2 ला का मिळालं COVID-19 हे नाव?

'हे' डिजीटल एज जॉब्स देतील भरघोस पगार