विद्यार्थ्यांचे 'घर बैठे डिग्री जलाओ' आंदोलन

डी.टी.एड,बी.एड स्टूडंट असोसिएशनच्या वतीने शिक्षक भरती बाबत सरकारच्या दुर्लक्ष आणि अन्यायकारक धोरणाचा विरोध करण्यासाठी १० जुलै रोजी सकाळी १० वाजल्यापासून राज्यव्यापी आंदोलन करण्यात येणार असल्याची माहिती डी टी एड बी एड स्टुडंट असोसिएशन च्या वतीने देण्यात आली आहे.

विद्यार्थ्यांच्या मागण्या पुढीलप्रमाणे आहेत -

- राज्यातील रखडलेल्या शिक्षक भरतीला विशेष परवानगी देऊन जागा भरण्यात याव्यात.
- शिक्षण सेवक यांच्या मानधनात वाढ करुण २४,००० रू करण्यात यावी.
- ५०% मागास वर्गीय पदभरती मधील कपात रद्द करावी.
- बी. एम. सी. मधील अपात्र ठरलेल्या उमेदवारांना न्याय देण्यात यावा.

NTA ने दिली 'या' परीक्षांच्या अर्जात दुरुस्तीची संधी

विद्यापीठ परीक्षांबाबत UGC ची तत्वे बंधनकारक नाहीत: उदय सामंत

या मागण्या पूर्ण करण्यासाठी आंदोलनात डी.एड,बी.एड.धारक व शिक्षण सेवक घरी बसून सहभागी होणार असून पदवी ( डिग्री )च्या प्रतिकात्मक प्रती (झेराॅक्स )जाळून ते व्हिडिओ ,फोटो सोशल मेडिया वर शिक्षण मंत्री,आयुक्त इत्यादींना टॅग करून शिक्षकांवर होणारा अन्याय दूर करून आमच्या मागण्या पूर्ण करून न्याय द्यावा असे आव्हान करण्यात येणार आहे. राज्यातील जास्तीत जास्त डी एड बी एड ,शिक्षणसेवकांनी आंदोलनात सहभागी व्हावे असे आव्हान संघटनेचे अध्यक्ष संतोष मगर , उपाध्यक्ष संदीप कांबळे, अर्चना सानप, सचिव प्रशांत शिंदे, सरचिटणीस विजय घुगे, दत्ता काळे, संघटक वैभव फटांगरे, शरद पिंगळे, कार्यकरणी सदस्य तुषार देशमुख, अश्विनी कडू,रुपाली पवार, स्वाती तौर, सलमान शेख, व सर्व विभाग व जिल्ह्या अध्यक्ष च्या वतीने करण्यात येत आहे..!