म. टा. प्रतिनिधी, पुणे दहावीच्या परीक्षेत राज्यात ९६.९४ टक्के विद्यार्थी उत्तीर्ण झाल्याने विद्यार्थी-पालकांचे लक्ष आता अकरावी (FYJC), डिप्लोमा (Diploma), आयटीआय (ITI) प्रवेशांकडे लागले आहे. या तिन्ही अभ्यासक्रमांच्या प्रवेश प्रक्रियेत अर्ज करण्याची प्रक्रिया सुरू झाली आहे, त्यानुसार विद्यार्थ्यांना वेबसाइटवर जाऊन ऑनलाइन पद्धतीने अर्ज भरावे लागणार आहेत. साधारण ८३ हजार ६० विद्यार्थ्यांना ९० टक्क्यांपेक्षा अधिक गुण मिळाल्याने नामांकित कॉलेजांमध्ये प्रवेशासाठी चुरस राहणार आहे. दरम्यान, प्रवेशासाठी गेल्या वर्षीप्रमाणेच यंदाही प्रवेशासाठी जागा उपलब्ध राहणार आहे.
राज्यातील पुणे व पिंपरी-चिंचवड, मुंबई, नागपूर, अमरावती, नाशिक या महापालिका क्षेत्रांत ज्युनिअर कॉलेजांमध्ये अकरावी प्रवेशासाठी ऑनलाइन प्रवेश प्रक्रिया राबविण्यात येत आहे. उर्वरित जिल्ह्यांमध्ये ऑफलाइन पद्धतीने प्रवेश प्रक्रिया राबविण्यात येत आहे. विद्यार्थ्यांच्या सुविधेसाठी प्रवेश प्रक्रियेत अर्जाचा भाग एक भरण्याची प्रक्रिया ३० मेपासून सुरू झाली आहे. या प्रवेश प्रक्रियेत अर्जाचा भाग दोन भरण्याची प्रक्रिया निकालानंतर सुरू होणार होती. मात्र, प्रवेश प्रक्रियेत कॉलेजांची नोंदणी पूर्ण झालेली नाही. ही नोंदणी सोमवारपर्यंत पूर्ण होणार आहे. त्यानंतर साधारण मंगळवारपासून विद्यार्थ्यांना अर्जाचा भाग दोन भरता येणार आहे. शालेय शिक्षण विभागातील सूत्रांनी दिलेल्या माहितीनुसार, अकरावी प्रवेशासाठी गेल्या वर्षीप्रमाणेच जागा उपलब्ध राहणार आहे. काही ठिकाणी नव्या कॉलेजांना मान्यता मिळाल्याने, जागा वाढण्याची शक्यता आहे. त्यामुळे प्रवेशासाठी पुरेशा प्रमाणात जागा उपलब्ध राहणार आहेत.
अर्जाचा भाग दोन मंगळवारपासून भरा
पुणे व पिंपरी-चिंचवड, मुंबई, नागपूर, अमरावती, नाशिक या महापालिका क्षेत्रांत अकरावी ऑनलाइन प्रवेश प्रक्रियेत अर्ज भरण्याची प्रक्रिया सुरू आहे. त्यानुसार विद्यार्थ्यांना आणखी काही दिवस अर्जाचा भाग एक (नाव, पत्ता, जन्मतारीख अशी सर्वसाधारण माहिती) भरता येणार आहे, तर मंगळवारपासून अर्जातील भाग दोन म्हणजेच गुण आणि आवडीच्या कॉलेजांचे पर्याय भरता येणार आहे. साधारण १० ते १५ दिवस ही प्रक्रिया सुरू असेल. या पाच महापालिका क्षेत्रांत साधारण पाच लाख ३३ हजार ६७० जागा, तर पुणे-पिंपरी चिंचवड महापालिका क्षेत्रात एक लाख ११ हजार ६६५ जागा उपलब्ध होत्या. विद्यार्थ्यांनी अधिक माहितीसाठी https://11thadmission.org.in/ या वेबसाइटवर संपर्क साधावा.
डिप्लोमासाठी अर्ज भरण्याची प्रक्रिया सुरू
दहावीनंतरच्या प्रथम वर्ष डिप्लोमा इंजिनीअरिंग (पॉलिटेक्निक) प्रवेशासाठी ऑनलाइन अर्ज नोंदणी प्रक्रिया सुरू झाली असून, विद्यार्थ्यांना ३० जूनपर्यंत नोंदणी करता येणार आहे. या प्रवेशासाठी साधारण एक लाख जागा उपलब्ध आहेत. विद्यार्थ्यांना ऑनलाइन नोंदणी करताना कागदपत्रांच्या छायांकित प्रतिही स्कॅन करून अपलोड कराव्या लागणार आहेत. या प्रवेशाचे ऑनलाइन अर्ज नोंदणीचे वेळापत्रक तंत्रशिक्षण संचालनालयने (डीटीई) प्रसिद्ध केले आहे. दहावी परीक्षा दिलेल्या विद्यार्थ्यांनी शैक्षणिक पात्रता तपशीलामध्ये स्वत:चा आसनक्रमांक भरावा आणि शुल्क भरून अर्ज पूर्ण भरावेत. विद्यार्थ्यांनी प्रवेशाच्या सविस्तर माहितीसाठी https://dte.maharashtra.gov.in या वेबसाइटवर संपर्क साधावा.
आयटीआयची प्रवेश प्रक्रिया सुरू
व्यवसाय शिक्षण आणि प्रशिक्षण संचालनालयातर्फे (डीव्हीईटी) राज्यातील औद्योगिक प्रशिक्षण संस्थांतील (आयटीआय) विविध अभ्यासक्रमांची ऑनलाइन प्रवेशप्रक्रिया शुक्रवारपासून सुरू झाली आहे. यंदा सरकारी आणि खासगी आयटीआयमध्ये मिळून एक लाख ४९ हजार २६८ जागांवर प्रवेशप्रक्रिया राबवली जाणार आहे. यासाठी विद्यार्थ्याच्या घराजवळील आयटीआयमध्ये दररोज सकाळी १० वाजता मार्गदर्शन सत्र आयोजित करण्यात येणार आहे. विद्यार्थ्यांना अर्ज ऑनलाइन किंवा आयटीआयमध्ये ऑफलाइन पद्धतीने भरता येईल. मात्र, अर्जात मोबाइल नंबर देणे अनिवार्य आहे. अधिक माहिती https://admission.dvet.gov.in/ या वेबसाइटवर देण्यात आली आहे.
राज्यातील पुणे व पिंपरी-चिंचवड, मुंबई, नागपूर, अमरावती, नाशिक या महापालिका क्षेत्रांत ज्युनिअर कॉलेजांमध्ये अकरावी प्रवेशासाठी ऑनलाइन प्रवेश प्रक्रिया राबविण्यात येत आहे. उर्वरित जिल्ह्यांमध्ये ऑफलाइन पद्धतीने प्रवेश प्रक्रिया राबविण्यात येत आहे. विद्यार्थ्यांच्या सुविधेसाठी प्रवेश प्रक्रियेत अर्जाचा भाग एक भरण्याची प्रक्रिया ३० मेपासून सुरू झाली आहे. या प्रवेश प्रक्रियेत अर्जाचा भाग दोन भरण्याची प्रक्रिया निकालानंतर सुरू होणार होती. मात्र, प्रवेश प्रक्रियेत कॉलेजांची नोंदणी पूर्ण झालेली नाही. ही नोंदणी सोमवारपर्यंत पूर्ण होणार आहे. त्यानंतर साधारण मंगळवारपासून विद्यार्थ्यांना अर्जाचा भाग दोन भरता येणार आहे. शालेय शिक्षण विभागातील सूत्रांनी दिलेल्या माहितीनुसार, अकरावी प्रवेशासाठी गेल्या वर्षीप्रमाणेच जागा उपलब्ध राहणार आहे. काही ठिकाणी नव्या कॉलेजांना मान्यता मिळाल्याने, जागा वाढण्याची शक्यता आहे. त्यामुळे प्रवेशासाठी पुरेशा प्रमाणात जागा उपलब्ध राहणार आहेत.
अर्जाचा भाग दोन मंगळवारपासून भरा
पुणे व पिंपरी-चिंचवड, मुंबई, नागपूर, अमरावती, नाशिक या महापालिका क्षेत्रांत अकरावी ऑनलाइन प्रवेश प्रक्रियेत अर्ज भरण्याची प्रक्रिया सुरू आहे. त्यानुसार विद्यार्थ्यांना आणखी काही दिवस अर्जाचा भाग एक (नाव, पत्ता, जन्मतारीख अशी सर्वसाधारण माहिती) भरता येणार आहे, तर मंगळवारपासून अर्जातील भाग दोन म्हणजेच गुण आणि आवडीच्या कॉलेजांचे पर्याय भरता येणार आहे. साधारण १० ते १५ दिवस ही प्रक्रिया सुरू असेल. या पाच महापालिका क्षेत्रांत साधारण पाच लाख ३३ हजार ६७० जागा, तर पुणे-पिंपरी चिंचवड महापालिका क्षेत्रात एक लाख ११ हजार ६६५ जागा उपलब्ध होत्या. विद्यार्थ्यांनी अधिक माहितीसाठी https://11thadmission.org.in/ या वेबसाइटवर संपर्क साधावा.
डिप्लोमासाठी अर्ज भरण्याची प्रक्रिया सुरू
दहावीनंतरच्या प्रथम वर्ष डिप्लोमा इंजिनीअरिंग (पॉलिटेक्निक) प्रवेशासाठी ऑनलाइन अर्ज नोंदणी प्रक्रिया सुरू झाली असून, विद्यार्थ्यांना ३० जूनपर्यंत नोंदणी करता येणार आहे. या प्रवेशासाठी साधारण एक लाख जागा उपलब्ध आहेत. विद्यार्थ्यांना ऑनलाइन नोंदणी करताना कागदपत्रांच्या छायांकित प्रतिही स्कॅन करून अपलोड कराव्या लागणार आहेत. या प्रवेशाचे ऑनलाइन अर्ज नोंदणीचे वेळापत्रक तंत्रशिक्षण संचालनालयने (डीटीई) प्रसिद्ध केले आहे. दहावी परीक्षा दिलेल्या विद्यार्थ्यांनी शैक्षणिक पात्रता तपशीलामध्ये स्वत:चा आसनक्रमांक भरावा आणि शुल्क भरून अर्ज पूर्ण भरावेत. विद्यार्थ्यांनी प्रवेशाच्या सविस्तर माहितीसाठी https://dte.maharashtra.gov.in या वेबसाइटवर संपर्क साधावा.
आयटीआयची प्रवेश प्रक्रिया सुरू
व्यवसाय शिक्षण आणि प्रशिक्षण संचालनालयातर्फे (डीव्हीईटी) राज्यातील औद्योगिक प्रशिक्षण संस्थांतील (आयटीआय) विविध अभ्यासक्रमांची ऑनलाइन प्रवेशप्रक्रिया शुक्रवारपासून सुरू झाली आहे. यंदा सरकारी आणि खासगी आयटीआयमध्ये मिळून एक लाख ४९ हजार २६८ जागांवर प्रवेशप्रक्रिया राबवली जाणार आहे. यासाठी विद्यार्थ्याच्या घराजवळील आयटीआयमध्ये दररोज सकाळी १० वाजता मार्गदर्शन सत्र आयोजित करण्यात येणार आहे. विद्यार्थ्यांना अर्ज ऑनलाइन किंवा आयटीआयमध्ये ऑफलाइन पद्धतीने भरता येईल. मात्र, अर्जात मोबाइल नंबर देणे अनिवार्य आहे. अधिक माहिती https://admission.dvet.gov.in/ या वेबसाइटवर देण्यात आली आहे.