जिची प्रतीक्षा होती... हीच ती..! डिसले गुरुजींना ग्लोबल टीचर प्राइस ट्रॉफी घरपोच

जिची प्रतीक्षा होती... हीच ती... असं ट्विट करत रणजितसिंह डिसले अर्थात सर्वांच्या लाडक्या डिसले गुरुजींनी आनंद व्यक्त केला आहे. ग्लोबल टीचर प्राइस पुरस्काराचा चषक आल्यानंतर डिसले यांनी त्या चषकासह आपला फोटो ट्विट केला आहे.

युनेस्को व लंडनस्थित वार्की फाउंडेशन यांच्या वतीने दिला जाणारा ग्लोबल टीचर प्राइज सोलापूर जिल्हा परिषदेच्या परितेवाडी शाळेचे शिक्षक रंजितसिंह डिसले यांना मिळाला आणि महाराष्ट्रात त्यांचं खूप कौतुक झालं. तब्बल सात कोटी रक्कमेचा पुरस्कार मिळवणारे डिसले हे पहिले भारतीय शिक्षक ठरले. जगभरातील १४० देशांतील १२ हजारांपेक्षा अधिक शिक्षकांच्या नामांकनातून अंतिम विजेता म्हणून डिसले गुरुजींची घोषणा करण्यात आली.


विशेष म्हणजे पुरस्काराच्या एकूण रक्कमेपैकी ५० टक्के रक्कम अंतिम फेरीतील ९ शिक्षकांना देण्याचे डिसले यांनी जाहीर केले. या माध्यमातून ९ देशांतील शेकडो मुलांना गुणवत्तापूर्ण शिक्षण देण्यासाठी प्रयत्न केले जाणार आहेत.
रणजितसिंह डिसले यांना 'ग्लोबल स्टुडंट अकादमी'चा पुरस्कार

सोलापूर जिल्हा परिषदेच्या परीतेवाडी शाळेत डिसले शिक्षक आहेत. विद्यार्थ्यांना माहिती तंत्रज्ञान आणि क्यूआर कोडच्या सहाय्याने शिकवण्यासाठी डिसले प्रसिद्ध आहेत. त्यांनी माहिती तंत्रज्ञानाचा वापर करुन, शिकवण्याचे नवे तंत्र विकसित केले आहे; तसेच इतर शिक्षकांनाही टेक्नोसॅव्ही होण्यासाठी प्रेरित केले आहे.

'ग्लोबल स्टुडंट प्राइझ अॅकेडमी'चा पुरस्कार
दरम्यान, अलीकडेच डिसले यांना 'ग्लोबल स्टुडंट प्राइझ अॅकेडमी'चा पुरस्कार जाहीर झाला आहे. त्यामुळे हॉलिवूडची अभिनेत्री अॅश्टन कुशर आणि मिला कुनीस यांच्या रांगेत बसण्याचा मानही त्यांना प्राप्त झाला आहे.
शिक्षकांचे पगार एक तारखेला करा; मागणीसाठी शिक्षकांचे ऑनलाइन आंदोलन


आयसीयूतूनच दिली परीक्षा; विद्यापीठाच्या अट्टाहासाचा विद्यार्थ्यांना त्रास