हार्वर्ड बिझनेस स्कूलचे नवे डीन असणार 'हे' मराठमोळं व्यक्तिमत्त्व

मूळ भारतीय असणारे विश्वविख्यात शिक्षणतज्ज्ञ श्रीकांत दातार यांची हार्वर्ड बिझनेस स्कूलचे अधिष्ठाता म्हणून नियुक्ती करण्यात आली आहे. श्रीकांत दातार हे विद्यमान अधिष्ठाता नितीन नोहरिया यांच्या जागी नियुक्त होणार आहेत. हार्वर्ड बिझनेस स्कूलला ११२ वर्षांचा इतिहास आहे. श्रीकांत दातार हे सलग दुसरे मूळ भारतीय वंशाचे डीन असणार आहेत.

आयआयएम, अहमदाबादमधून श्रीकांत यांनी आपले शिक्षण घेतले होते. पुढील वर्षी जानेवारीत ते पदभार स्वीकारणार आहेत. सध्या ते हार्वर्ड बिझनेस स्कूलच्या विद्यापीठ प्रकरणांचे वरिष्ठ असोसिएट डीन आहेत. हार्वर्ड विद्यापीठाचे अध्यक्ष लॅरी बेकोव्ह यांनी ही माहिती दिली.

लॅरी बोकोव्ह म्हणाले, 'श्रीकांत दातार एक इनोव्हेटिव्ह शिक्षक आणि अनुभवी अॅकेडमिक लीडर आहेत. बिझनेस स्कूल्सच्या भवितव्याबाबत विचार करणाऱ्या प्रमुख लीडर्सपैकी ते एक आहेत. याव्यतिरिक्त करोना महामारीशी लढण्यातही त्यांनी हार्वर्डमध्ये एक महत्त्वाची भूमिका बजावली आहे.'

इंजिनीअरिंग प्रवेशासाठी बारावीच्या किमान गुणांची अट शिथील

११२ वर्षं जुन्या या बिझनेस स्कूलचे दातार हे ११ वे डीन असतील आणि असं पहिल्यांदाच झालंय की सलग दोन वेळा भारतीय वंशाची व्यक्ती हार्वर्ड बिझनेस स्कूलची डीन बनली आहे. सध्याचे डीन नितीन नोहरिया डिसेंबरपर्यंत पदभार सांभाळणार आहेत. पण जूनमध्येच त्यांनी सेवा समाप्तीची घोषणा केली होती.

श्रीकांत दातार हे १९७३ चे पदवीधर आहेत. त्यानंतर त्यांनी आयआयएम अहमदाबादमधून पदव्युत्तर पदवीपर्यंतचे शिक्षण घेतले.

एमपीएससी पूर्व परीक्षा पुढे ढकलली; मराठा उमेदवारांना दिलासामुख्यमंत्र्यांनी दिल्या शुभेच्छा

मुख्यमंत्री उद्धव ठाकरे यांनी दातार यांना त्यांच्या नियुक्तीबाबत शुभेच्छा दिल्या आहेत. हार्वर्ड मॅगझिनमध्ये दातार यांच्याविषयी प्रकाशित झालेल्या माहितीची लिंक जोडून दातार यांचे अभिनंदन करणारी पोस्ट ठाकरे यांनी ट्विटरद्वारे शेअर केली आहे.


'महाराष्ट्रातील लोकांसाठी दातार यांची नियुक्ती ही खूप अभिमानास्पद बाब आहे,' असे ठाकरे यांनी म्हटले आहे.