जवाहरलाल नेहरू विद्यापीठाचे कुलगुरू प्रा. एम. जगदीश कुमार (M. Jagadesh Kumar) यांची विद्यापीठ अनुदान आयोगाच्या (UGC Chairman) अध्यक्षपदी नियुक्ती करण्यात आली आहे. केंद्र सरकारने ही नियुक्ती केली. शुक्रवारी ४ फेब्रुवारी रोजी केंद्र सरकारने ही घोषणा केली. विद्यापीठ अनुदान आयोगाचे अध्यक्षपद डिसेंबर महिन्यापासून रिक्त आहे. प्रा. डी. पी. सिंग यांचा यूजीसीच्या अध्यक्षपदाचा कार्यकाळ संपला. त्यांच्या जागी जगदीश कुमार यांची नियुक्ती करण्यात आली आहे. कुमार यांनी जेएनयूमध्ये पाच वर्षं पूर्ण केली आहेत. नवे कुलगुरू येईपर्यंत कुमार यांच्याकडेच विद्यापीठाच्या कुलगुरुपदाचा भार असणार आहे.
जगदीश कुमार यांनी इलेक्ट्रिकल इंजिनीअरिंगमध्ये उल्लेखनीय काम केले आहे. त्यांचे शिक्षण आयआयटी मद्रासमधून झाले. तेथून त्यांनी त्यांची मास्टर्स आणि पीएचडी पूर्ण केली. आयआयटी दिल्लीच्या इलेक्ट्रिकल इंजिनीअरिंग विभागात त्यांनी प्रोफेसर म्हणूनही काम केले आहे. त्यांचा जन्म तेलंगणमधला आहे. कॅनडातील वॉटरलू विद्यापीठातून त्यांनी पोस्ट डॉक्टरल रिसर्च वर्क केले आहे. इलेक्ट्रिकल इंजिनीअरिंग, नॅनोटेक्नॉलॉजीत त्यांना रस आहे. त्यांना त्यांच्या कामासाठी ISA-VSIचा टेक्नोमेंटॉर पुरस्कारही मिळाला आहे.
जगदीश कुमार यांनी इलेक्ट्रिकल इंजिनीअरिंगमध्ये उल्लेखनीय काम केले आहे. त्यांचे शिक्षण आयआयटी मद्रासमधून झाले. तेथून त्यांनी त्यांची मास्टर्स आणि पीएचडी पूर्ण केली. आयआयटी दिल्लीच्या इलेक्ट्रिकल इंजिनीअरिंग विभागात त्यांनी प्रोफेसर म्हणूनही काम केले आहे. त्यांचा जन्म तेलंगणमधला आहे. कॅनडातील वॉटरलू विद्यापीठातून त्यांनी पोस्ट डॉक्टरल रिसर्च वर्क केले आहे. इलेक्ट्रिकल इंजिनीअरिंग, नॅनोटेक्नॉलॉजीत त्यांना रस आहे. त्यांना त्यांच्या कामासाठी ISA-VSIचा टेक्नोमेंटॉर पुरस्कारही मिळाला आहे.