म. टा. प्रतिनिधी, नाशिक
राज्य सामाईक प्रवेश परीक्षा कक्ष तथा सीईटी सेलच्या वतीने राज्यातील मेडिकल कॉलेजांमध्ये पदव्युत्तर पदवी व पदव्युत्तर पदविका अभ्यासक्रमांसाठीची प्रवेश यादी जाहीर करण्यात आली आहे. या यादीनुसार प्रवेश घेण्यासाठी २३ मे पर्यंत अंतिम मुदत देण्यात आली आहे.
राज्यातील कोट्यानुसार सरकारी व खासगी मेडिकल कॉलेजांमध्ये एमडी, एमएस व पदव्युत्तर पदविका अभ्यासक्रमांना नीट पीजी प्रवेश परीक्षेच्या गुणांवर प्रवेश देण्यात येतो. यानुसार सीईटी सेलने प्रवेश यादी जाहीर केली आहे.
लॉकडाऊनच्या पार्श्वभूमीवर सीईटी सेलच्या वतीने विद्यार्थ्यांना 'ऑनलाइन रिपोर्टिंग' ही सुविधा उपलब्ध करून देण्यात आली आहे. आपला प्रवेश निश्चित करण्यासाठी विद्यार्थ्यास संबंधित मेडिकल कॉलेजला ई-मेल पाठवावा लागणार आहे. सोबतच ऑनलाइन शुल्काचा भरणा करून ती पावती स्कॅनिंग करून संबंधित कॉलेजांना पाठवायची आहे. विद्यार्थ्यांना शक्य असल्यास कॉलेजमध्ये जाऊन पारंपरिक पद्धतीनेही ते प्रवेश निश्चित करू शकणार आहेत. याशिवाय विद्यार्थ्यांना स्टेटस रिटेन्शन अर्ज भरण्यासाठी २३ मे पर्यंत अंतिम मुदत देण्यात आली आह. या अभ्यासक्रमांसाठी निवड झालेल्या विद्यार्थ्यांची यादी सीईटी सेलच्या वेबसाइटवर उपलब्ध करून देण्यात आली आहे.
राज्य सामाईक प्रवेश परीक्षा कक्ष तथा सीईटी सेलच्या वतीने राज्यातील मेडिकल कॉलेजांमध्ये पदव्युत्तर पदवी व पदव्युत्तर पदविका अभ्यासक्रमांसाठीची प्रवेश यादी जाहीर करण्यात आली आहे. या यादीनुसार प्रवेश घेण्यासाठी २३ मे पर्यंत अंतिम मुदत देण्यात आली आहे.
राज्यातील कोट्यानुसार सरकारी व खासगी मेडिकल कॉलेजांमध्ये एमडी, एमएस व पदव्युत्तर पदविका अभ्यासक्रमांना नीट पीजी प्रवेश परीक्षेच्या गुणांवर प्रवेश देण्यात येतो. यानुसार सीईटी सेलने प्रवेश यादी जाहीर केली आहे.
लॉकडाऊनच्या पार्श्वभूमीवर सीईटी सेलच्या वतीने विद्यार्थ्यांना 'ऑनलाइन रिपोर्टिंग' ही सुविधा उपलब्ध करून देण्यात आली आहे. आपला प्रवेश निश्चित करण्यासाठी विद्यार्थ्यास संबंधित मेडिकल कॉलेजला ई-मेल पाठवावा लागणार आहे. सोबतच ऑनलाइन शुल्काचा भरणा करून ती पावती स्कॅनिंग करून संबंधित कॉलेजांना पाठवायची आहे. विद्यार्थ्यांना शक्य असल्यास कॉलेजमध्ये जाऊन पारंपरिक पद्धतीनेही ते प्रवेश निश्चित करू शकणार आहेत. याशिवाय विद्यार्थ्यांना स्टेटस रिटेन्शन अर्ज भरण्यासाठी २३ मे पर्यंत अंतिम मुदत देण्यात आली आह. या अभ्यासक्रमांसाठी निवड झालेल्या विद्यार्थ्यांची यादी सीईटी सेलच्या वेबसाइटवर उपलब्ध करून देण्यात आली आहे.