Apurva Nemlekar Education Details: बिग बॉस मराठीच्या चौथ्या पर्वात अभिनेत्री अपूर्वा नेमळेकर खूप चर्चेत आहे. स्पष्ट बोलणे आणि ठाम भूमिकेमुळे तिने सऱ्यांचे लक्ष वेधून घेतले आहे. यावेळचा सिझन ती जिंकू शकते यावर तिच्या चाहत्यांना ठाम विश्वास आहे. तिच्या वैयक्तिक आणि प्रोफेशनल आयुष्याबद्दल सध्या खूप चर्चा रंगतेय. दरम्यान तिच्या शैक्षणिक प्रवासाविषयी जाणून घेऊया. २०२१ मध्ये झी मराठीच्या रात्रीच्या खेळ चाले या मालिकेतील शेवंताच्या भूमिकेमुळे अपूर्वा घराघरात जाऊन पोहोचली. या भूमिकेसाठी तिला झी सर्वोत्कृष्ट अभिनेत्रीचा पुरस्कार देऊन सन्मानित करण्यात आले. अभिनेत्री अपूर्वा नेमळेकरचा जन्म २७ डिसेंबर १९८८ रोजी झाला. सिंधुदुर्ग जिल्ह्याती सावंतवाडी हे तिचे जन्म ठिकाण आहे. ती मुंबईकर असून दादरमध्येच लहानाची मोठी झाली आहे. दादरच्या किंग जॉर्ज स्कूलमधून तिने आपले शालेय शिक्षण पूर्ण केले. यानंतर पुढील शिक्षणासाठी तिने डीजी रुपारेल कॉलेजमध्ये प्रवेश घेतला. येथून तिने बीएमएस पदवीपर्यंतचे शिक्षण पूर्ण केले.
बीएमएसची पदवी पूर्ण केल्यानंतर एमबीए पूर्ण करुन चांगल्या पद आणि पगाराची नोकरी करावी अशी अपूर्वाची इच्छा होती. पण तिच्या नशिबात काही वेगळंच लिहिलं होतं. तिच्या आई-वडिलांनी तिला अभिनय क्षेत्रात करिअर करण्यासाठी प्रोत्साहन दिले.
तिला लहानपणापासून अभिनयाची आवड होती. पण अभिनय क्षेत्रात करिअर करु असे तिला कधी वाटले नव्हते. या क्षेत्रात यशस्वी होण्यासाठी तिला इतरांप्रमाणेच खडतर प्रवास करावा लागला. शिक्षण पूर्ण झाल्यानंतर एका इन्हेंट मॅनेजमेंट कंपनीत ती रुजू झाली. येथे ती इव्हेंट प्रमोटर म्हणून काम करत असे. या कंपनीत तिला केवळ एक हजार रुपय इतका पगार मिळत असे.
अपूर्वा नेमळेकर ही अभिनय क्षेत्रात करिअर करण्यासोबतच हँडमेड ज्वेलरी डिझायनर म्हणून देखील काम करते. अपूर्व कलेक्शन या ब्रॅंड अंतर्गत विविध प्रकारचे दागिन्यांचे उत्पादन आणि विक्री केली जाते. चित्रे काढणे, कार चालवणे आवडणे, प्रवास करणे या तिच्या आवडीच्या गोष्टी आहेत.
बीएमएसची पदवी पूर्ण केल्यानंतर एमबीए पूर्ण करुन चांगल्या पद आणि पगाराची नोकरी करावी अशी अपूर्वाची इच्छा होती. पण तिच्या नशिबात काही वेगळंच लिहिलं होतं. तिच्या आई-वडिलांनी तिला अभिनय क्षेत्रात करिअर करण्यासाठी प्रोत्साहन दिले.
तिला लहानपणापासून अभिनयाची आवड होती. पण अभिनय क्षेत्रात करिअर करु असे तिला कधी वाटले नव्हते. या क्षेत्रात यशस्वी होण्यासाठी तिला इतरांप्रमाणेच खडतर प्रवास करावा लागला. शिक्षण पूर्ण झाल्यानंतर एका इन्हेंट मॅनेजमेंट कंपनीत ती रुजू झाली. येथे ती इव्हेंट प्रमोटर म्हणून काम करत असे. या कंपनीत तिला केवळ एक हजार रुपय इतका पगार मिळत असे.
अपूर्वा नेमळेकर ही अभिनय क्षेत्रात करिअर करण्यासोबतच हँडमेड ज्वेलरी डिझायनर म्हणून देखील काम करते. अपूर्व कलेक्शन या ब्रॅंड अंतर्गत विविध प्रकारचे दागिन्यांचे उत्पादन आणि विक्री केली जाते. चित्रे काढणे, कार चालवणे आवडणे, प्रवास करणे या तिच्या आवडीच्या गोष्टी आहेत.