म. टा. विशेष प्रतिनिधी, मुंबई
मुंबई कुणाची, मराठी माणसांची, मुंबईची अधिकृत भाषा मराठीच... असा कंठशोष मराठी माणसे करत असली, तरी आपल्या मुलांना शाळेत प्रवेश घेताना मात्र मराठी शाळांकडे पाठ फिरवली जात आहे. सन २०२२-२३मधील प्राथमिक शाळांतील प्रवेशाबाबत पालिकेने दिलेल्या आकडेवारीनुसार केवळ १७ हजार ५०० विद्यार्थ्यांनी मराठी माध्यमाच्या शाळांत प्रवेश घेतला, तर इंग्रजी, हिंदी आणि उर्दू माध्यमांच्या शाळांत मराठी माध्यमाच्या तुलनेने दुप्पट प्रवेश झाले. महापालिका शाळांतील विद्यार्थ्यांच्या संख्येत वाढ व्हावी, यासाठी पालिकेच्या शिक्षण विभागाने यंदाच्या १४ एप्रिलपासून ‘मिशन अॅडमिशन’ मोहीम राबवली. या मोहिमेअंतर्गत आतापर्यंत एकूण एक लाख दोन हजार ५०० विद्यार्थ्यांनी प्रवेश घेतला. यामध्ये ३२ हजार विद्यार्थ्यांनी इंग्रजी, १७ हजार ५०० विद्यार्थ्यांनी मराठी, २७ हजार ५०० विद्यार्थ्यांनी हिंदी, तर २३ हजार ५०० विद्यार्थ्यांनी उर्दू माध्यमाच्या शाळांमध्ये प्रवेश घेतला, अशी माहिती पालिकेचे शिक्षण अधिकारी राजेश कंकाळ यांनी दिली. या आकडेवारीवरून पालकांचा मोठा कल इंग्रजी माध्यमाकडे असल्याचे स्पष्ट झाले आहे.
सर्वच क्षेत्रात इंग्रजीचा वापर अनिवार्य असल्यामुळे पालक इंग्रजी माध्यमाच्या शाळांत मुलांचा प्रवेश घेण्यासाठी आग्रही असतात. पालिकेच्या शिक्षण विभागाने मराठी शाळांतील विद्यार्थ्यांची संख्या वाढीवर भर देण्यासाठी विविध उपाययोजना सुरू केल्या आहेत. विद्यार्थ्यांना २७ शालेय वस्तू विनामूल्य दिल्या जातात. यासह मराठी विद्यार्थ्यांना उत्तम इंग्रजी यावे, यासाठी विशेष वर्ग व तज्ज्ञ शिक्षकांमार्फत मार्गदर्शन केले जाते. मातृभाषेच्या वृद्धीसह इंग्रजी, असा प्रयत्न यामागे असतो. त्यानंतरही पालकांचा कल इंग्रजी माध्यमाच्या शाळांकडे वाढत असल्यास पालिकेला दोष देता येणार नाही, अशी माहिती पालिकेच्या शिक्षण विभागातील वरिष्ठ अधिकाऱ्याने दिली.
प्राथमिक शाळा २०२२-२३
‘मिशन अॅडमिशन’अंतर्गत प्रवेश
एकूण - एक लाख दोन हजार ५००
इंग्रजी माध्यम - ३२ हजार
हिंदी माध्यम - २७,५००
उर्दू माध्यम - २३,५००
मराठी माध्यम - १७,५००
मुंबई कुणाची, मराठी माणसांची, मुंबईची अधिकृत भाषा मराठीच... असा कंठशोष मराठी माणसे करत असली, तरी आपल्या मुलांना शाळेत प्रवेश घेताना मात्र मराठी शाळांकडे पाठ फिरवली जात आहे. सन २०२२-२३मधील प्राथमिक शाळांतील प्रवेशाबाबत पालिकेने दिलेल्या आकडेवारीनुसार केवळ १७ हजार ५०० विद्यार्थ्यांनी मराठी माध्यमाच्या शाळांत प्रवेश घेतला, तर इंग्रजी, हिंदी आणि उर्दू माध्यमांच्या शाळांत मराठी माध्यमाच्या तुलनेने दुप्पट प्रवेश झाले.
सर्वच क्षेत्रात इंग्रजीचा वापर अनिवार्य असल्यामुळे पालक इंग्रजी माध्यमाच्या शाळांत मुलांचा प्रवेश घेण्यासाठी आग्रही असतात. पालिकेच्या शिक्षण विभागाने मराठी शाळांतील विद्यार्थ्यांची संख्या वाढीवर भर देण्यासाठी विविध उपाययोजना सुरू केल्या आहेत. विद्यार्थ्यांना २७ शालेय वस्तू विनामूल्य दिल्या जातात. यासह मराठी विद्यार्थ्यांना उत्तम इंग्रजी यावे, यासाठी विशेष वर्ग व तज्ज्ञ शिक्षकांमार्फत मार्गदर्शन केले जाते. मातृभाषेच्या वृद्धीसह इंग्रजी, असा प्रयत्न यामागे असतो. त्यानंतरही पालकांचा कल इंग्रजी माध्यमाच्या शाळांकडे वाढत असल्यास पालिकेला दोष देता येणार नाही, अशी माहिती पालिकेच्या शिक्षण विभागातील वरिष्ठ अधिकाऱ्याने दिली.
प्राथमिक शाळा २०२२-२३
‘मिशन अॅडमिशन’अंतर्गत प्रवेश
एकूण - एक लाख दोन हजार ५००
इंग्रजी माध्यम - ३२ हजार
हिंदी माध्यम - २७,५००
उर्दू माध्यम - २३,५००
मराठी माध्यम - १७,५००