म. टा. प्रतिनिधी, पुणे राष्ट्रीय मूल्यांकन आणि अधिस्वीकृती परिषदेचे (NAAC) मूल्यांकन न करणाऱ्या सावित्रीबाई फुले पुणे विद्यापीठाशी संलग्न महाविद्यालयांना आता स्वयंमूल्यमापन करावे लागणार आहे. त्यांना 'नॅक'च्या पोर्टलवर माहिती भरावी लागेल. त्यानंतर त्यांना तात्पुरते नॅक मूल्यांकन दिले जाणार आहे, असे 'नॅक'तर्फे स्पष्ट करण्यात आले आहे. त्यासाठी 'नॅक'कडून प्रोव्हिजन अॅक्रिडेशन फॉर कॉलेज (पॅक) योजना राबविण्यात येणार आहे. या योजनेचा राज्यातील महाविद्यालयांना फायदा होणार आहे.
या योजनेची मार्गदर्शक नियमावली 'नॅक'च्या वेबसाइटवर प्रसिद्ध करण्यात आली आहे. या पॅक योजनेच्या अनुषंगाने सावित्रीबाई फुले पुणे विद्यापीठ संलग्नित महाविद्यालये आणि मान्यताप्राप्त परिसंस्था यांनी संबंधित परिपत्रकाची नोंद घ्यावी; तसेच आपल्या स्तरावरून योग्य ती कार्यवाही करण्याच्या सूचना महाविद्यालयांना देण्यात आल्या आहेत. याबाबत केलेल्या कार्यवाहीचा अहवाल विद्यापीठास व उच्च शिक्षण संचालनालयाला सादर करावा लागणार आहे. महाविद्यालयांना संबंधित कार्यवाही करताना काही तांत्रिक अडचण आल्यास, त्यांना विद्यापीठाच्या अंतर्गत गुणवत्ता व सिद्धता कक्षाशी संपर्क साधावा. याबाबत कवयित्री बहिणाबाई चौधरी उत्तर महाराष्ट्र विद्यापीठाचे माजी कुलगुरू डॉ. आर. एस. माळी मार्गदर्शन करणार आहेत, अशी माहिती पुणे विद्यापीठाच्या अंतर्गत गुणवत्ता सिद्धता कक्षाच्या संचालक डॉ. सुप्रिया पाटील यांनी पत्रकाद्वारे दिली आहे.
माहिती भरण्यासाठी कार्यशाळा
महाविद्यालयांसाठी 'नॅक'तर्फे (पॅक) योजना राबविण्यात येणार आहे. त्यासाठी महाविद्यालयांनी आवश्यक माहिती 'नॅक'च्या पोर्टलवर भरायची असून, याबाबतची माहिती भरल्याचे विद्यापीठाला कळवायचे आहे. त्यासाठी लवकरच एक कार्यशाळा घेण्यात येणार आहे, अशी माहिती पुणे विद्यापीठाच्या अंतर्गत गुणवत्ता सिद्धता कक्षाकडून देण्यात आली आहे.
या योजनेची मार्गदर्शक नियमावली 'नॅक'च्या वेबसाइटवर प्रसिद्ध करण्यात आली आहे. या पॅक योजनेच्या अनुषंगाने सावित्रीबाई फुले पुणे विद्यापीठ संलग्नित महाविद्यालये आणि मान्यताप्राप्त परिसंस्था यांनी संबंधित परिपत्रकाची नोंद घ्यावी; तसेच आपल्या स्तरावरून योग्य ती कार्यवाही करण्याच्या सूचना महाविद्यालयांना देण्यात आल्या आहेत. याबाबत केलेल्या कार्यवाहीचा अहवाल विद्यापीठास व उच्च शिक्षण संचालनालयाला सादर करावा लागणार आहे. महाविद्यालयांना संबंधित कार्यवाही करताना काही तांत्रिक अडचण आल्यास, त्यांना विद्यापीठाच्या अंतर्गत गुणवत्ता व सिद्धता कक्षाशी संपर्क साधावा. याबाबत कवयित्री बहिणाबाई चौधरी उत्तर महाराष्ट्र विद्यापीठाचे माजी कुलगुरू डॉ. आर. एस. माळी मार्गदर्शन करणार आहेत, अशी माहिती पुणे विद्यापीठाच्या अंतर्गत गुणवत्ता सिद्धता कक्षाच्या संचालक डॉ. सुप्रिया पाटील यांनी पत्रकाद्वारे दिली आहे.
माहिती भरण्यासाठी कार्यशाळा
महाविद्यालयांसाठी 'नॅक'तर्फे (पॅक) योजना राबविण्यात येणार आहे. त्यासाठी महाविद्यालयांनी आवश्यक माहिती 'नॅक'च्या पोर्टलवर भरायची असून, याबाबतची माहिती भरल्याचे विद्यापीठाला कळवायचे आहे. त्यासाठी लवकरच एक कार्यशाळा घेण्यात येणार आहे, अशी माहिती पुणे विद्यापीठाच्या अंतर्गत गुणवत्ता सिद्धता कक्षाकडून देण्यात आली आहे.