Board Exams: 'या' राज्यात बोर्डाच्या बारावीच्या प्रात्यक्षिक परीक्षा रद्द

करोना व्हायरस संक्रमण देशभरात वाढत आहे. भारतात दररोज सुमारे २ लाख लोक संक्रमण होत आहेत. संक्रमण रोखण्यासाठी विविध प्रकारचे निर्बंध राज्य सरकारांमार्फत लावले जात आहेत. या संक्रमण संकटामुळे काही राज्यांच्या बोर्ड परीक्षांवरही परिणाम होत आहे. राजस्थान बोर्डाने १७ जानेवारी २०२२ पासून सुरू होणारी बारावी बोर्डाची प्रॅक्टिकल परीक्षा लांबणीवर टाकली आहे.

दुसरीकडे बिहार राज्यातील दहावी, बारावी बोर्डाच्या परीक्षा तोंडावर आहेत. १ फेब्रुवारी २०२२ पासून बारावी आणि १७ फेब्रुवारी २०२२ पासून दहावीची परीक्षा सुरू होत आहे. मात्र कोविड १९ च्या पार्श्वभूमीवर परीक्षा ढकलण्याचा बिहार सरकारचा कोणतीही विचार नाही. मागील वर्षी देखील बिहारने बोर्ड परीक्षांचे आयोजन केले होते. बिहारमध्ये गेल्या २४ तासात करोनाचे ५,९०८ रुग्ण संक्रमित झाले आहेत. राज्यात वाढत्या करोना रुग्णसंख्येमुळे बोर्ड परीक्षा होणार की नाही अशी चर्चा जोरावर होती. पण बिहार शिक्षण मंडळाने या चर्चांना पूर्णविराम दिला आहे. परीक्षा नियोजित वेळेत होतील असे बोर्डाने स्पष्ट केले आहे.