Tech Layoffs: जगभरातील टेक कंपन्यांमध्ये कर्मचाऱ्यांच्या छाटणीची प्रक्रिया सुरू आहे. मेटा, अमेझॉन, एचपी आणि ट्विटरसारख्या दिग्गज कंपन्या देखील मोठ्या प्रमाणात कर्मचाऱ्यांना कामावरून काढत आहेत. जगभरातील साधारण ८५३ तंत्रज्ञान कंपन्यांनी आतापर्यंत साधारण १ लाख ३७ हजार ४९२ कर्मचार्यांना कामावरून काढून टाकले आहे आणि उत्तरेकडील देशांमध्येही मंदीची भीती व्यक्त केली जात आहे. जागतिक मंदीच्या सावटामध्ये टेक स्पेक्ट्रममधील अधिकाधिक कंपन्यातील कपात सुरु आहे.
दोन वर्षांत २ लाखांहून अधिक लोकांनी गमावल्या नोकऱ्या
क्लाउड-आधारित डेटाबेस लेऑफ.एफवायच्या आकडेवारीनुसार, १,३८८ टेक कंपन्यांनी करोना सुरू झाल्यापासून एकूण २ लाख ३३ हजार ४८३ कर्मचाऱ्यांना कामावरून काढून टाकले आहे. या आकडेवारीत २०२२ हे तंत्रज्ञान क्षेत्रासाठी सर्वात वाईट वर्ष ठरले आहे. या वर्षीच्या नोव्हेंबरच्या मध्यापर्यंत, मेटा, ट्विटर, सेल्सफोर्स, नेटफ्लिक्स, सिस्को आणि रोकू सारख्या इतर टेक कंपन्यांच्या नेतृत्वाखाली यूएस टेक क्षेत्रातील ७३ हजारहून अधिक कामगारांना मोठ्या प्रमाणात नोकरीतून कमी केले. क्रंचबेसच्या मते, रॉबिनहूड, ग्लोसिअर आणि बेटरमेंटर या काही टेक कंपन्यांनी २०२२ मध्ये त्यांच्या कर्मचार्यांमध्ये लक्षणीय कपात केली आहे.
अॅमेझॉनमध्ये कपातीची प्रक्रिया सुरूच राहणार
अमेझॉन आणि पीसी आणि प्रिंटर प्रमुख एचपी सारख्या मोठ्या टेक कंपन्यावर जागतिक मंदीचे परिणाम दिसू लागले आहे. येत्या काही दिवसांत त्या अनुक्रमे १० हजार आणि ६ हजारपेक्षा जास्त कर्मचार्यांना काढून टाकणार आहेत. २०२३ च्या सुरुवातीला कंपनीमध्ये अधिक कपात होईल असा इशारा अॅमेझॉनचे सीईओ अँडी जॅसी यांनी कर्मचाऱ्यांना दिला आहे.
Google मध्ये नोकरी संकट! सुंदर पिचाई १० हजार कर्मचाऱ्यांना घरी बसवणार ट्विटरमधून काढलेल्या कर्मचाऱ्यांसाठी भारतीय कंपनी आली धावूनदूरसंचार क्षेत्रातील नोकऱ्या का जात आहेत?
वास्तविक, जगभरातील टेक कंपन्या आर्थिक मंदीच्या सावटाने भीतीच्या वातावरणात आहेत. यापूर्वी करोना लॉकडाऊन आणि घरातून कामामुळे पीसी आणि लॅपटॉप सेगमेंटच्या विक्रीत जबरदस्त उसळी पाहायला मिळत होती पण आता हे मार्केट खाली जात आहे.
नोकऱ्या जाण्याचे कारण?
ऑनलाइन व्यवसाय हे नोकऱ्या जाण्याचे प्रमुख कारण आहे. लॉकडाऊनमध्ये सुरु झालेल्या ऑनलाइन कामामुळे कंपन्यांनी गरजेपेक्षा जास्त लोकांना नोकऱ्या दिल्या आणि आता बाजार घसरत असताना समतोल साधण्यासाठी कंपन्या सतत कपात करत आहेत. तसेच, वाढत्या आर्थिक मंदीच्या काळात खर्च कमी करण्यासाठी सतत कपात केली जात आहे.