RRB NTPC: रेल्वेमंत्र्यांनी सांगितलं कधी होणार परीक्षा

नवी दिल्ली:
रेल्वे भरती बोर्डाने नॉन टेक्निकल पॉप्युलर कॅटेगरी (NTPC) भरती परीक्षेसाठी अर्ज मागवले होते. पण विद्यार्थ्यांना तब्बर एक वर्ष होऊन गेलं तरी परीक्षेसाठी अॅडमिट कार्ड आलेलं नाही. रेल्वेमंत्री पियुष गोयल यांनी स्वत: संसदेत याबाबतची महत्त्वाची माहिती दिली.

खासदार चंद्र प्रकाश चौधरी यांनी हा प्रश्न विचारला. नोटिफिकेशन जारी होऊन एक वर्ष होऊन गेलं तरी ही परीक्षा का घेतली नाही? या त्याच्या प्रश्नावर गोयल यांनी उत्तर दिलं. गोयल म्हणाले, 'रेल्वेच्या भरतींसाठी एक्झामिनेशन कंडक्टिंग एजन्सी ECA बनवण्याची प्रक्रिया सुरू आहे. यासाठी निविदाही मागवण्यात आल्या आहेत. ECA बनवल्यानंतर परीक्षेच्या तारखांची घोषणा होईल.'

या आरआरबी एनटीपीसी परीक्षेला देशभरातून एकूण एक कोटी २६ लाख ३० हजार ८८५ उमेदवारांनी अर्ज केले आहेत. या भरती प्रक्रीयेंतर्गत रेल्वेत सुमारे १.३ लाख पदे भरली जाणार आहेत. उमेदवारांनी अर्ज करून एक वर्ष उलटून गेलं तरी अद्याप रेल्वे बोर्डाने परीक्षेची तारीख जाहीर केली नाही, त्यामुळे उमेदवारांमध्ये नाराजी आहे.

एलआयसीत नोकरभरती; २१८ जागा

पोस्टात १० वी पाससाठी नोकऱ्या; २० हजार पगार!