म. टा. विशेष प्रतिनिधी, मुंबई 'राष्ट्रीय कामधेनू आयोगामार्फत २५ फेब्रुवारी रोजी आयोजित करण्यात आलेल्या 'कामधेनू गो विज्ञान प्रचार-प्रसार परीक्षे'ला (Gau Vigyan Pariksha) बसण्यासाठी विद्यार्थ्यांना प्रोत्साहन द्यावे,' असे पत्र विद्यापीठ अनुदान आयोगाने सर्व विद्यापीठांना पाठविले आहे. या परीक्षेत गो-विज्ञानाबद्दल विविध प्रश्न विचारले जाणार असून ही परीक्षा सर्वांसाठी खुली असणार आहे.
देशात गो-विज्ञानाचा प्राचार आणि प्रसार व्हावा, या उद्देशाने २०१९मध्ये केंद्रीय पशुसंवर्धन आणि मत्स्योपादन मंत्रालयाने राष्ट्रीय कामधेनू आयोगाची स्थापना केली. आयोगामार्फत येत्या २५ फेब्रुवारी रोजी एका प्रमाणपत्र स्पर्धा परीक्षेचे आयोजन करण्यात आले आहे. ही स्पर्धा परीक्षा चार गटांत पार पडणार आहे. यात शालेय स्तरावर दोन, तर कॉलेज स्तरावर एक गट आहे आणि चौथा गट हा खुला असून यामध्ये कोणतीही व्यक्ती परीक्षा देऊ शकणार आहे. एक तासाच्या या परीक्षेत देशातील गायींचे प्रकार, त्याचे महत्त्व, पंचगव्य इत्यादी विषयाशी संबंधित अभ्यासक्रम देण्यात आला आहे. यात गाय कशी औषधी आहे, इथपासून ते गायीशी संबंधित स्तोत्र, श्लोक यांचाही समावेश करण्यात येणार आहे. ही परीक्षा बहुपर्यायी प्रश्नोत्तरे या स्वरूपात पार पडणार असून, ती ऑनलाइन देता येणार आहे. परीक्षा संपताच निकाल प्राप्त होणार असून प्रमाणपत्रही मिळणार आहे. या परीक्षेला बसण्यासाठी विद्यार्थ्यांना प्रोत्साहन द्यावे, या उद्देशाने विद्यापीठ अनुदान आयोगाचे सचिव रजनीश जैन यांनी सर्व विद्यापीठांना पत्र पाठवले आहे.
विद्यार्थी; तसेच देशातील प्रत्येक नागरिकाला भारतीय गायीबद्दल माहिती मिळावी, या उद्देशाने या परीक्षेचे आयोजन करण्यात येत असल्याचे कामधेनू आयोगाचे अध्यक्ष वल्लभभाई कथिरिया यांनी परीक्षेची घोषणा करताना स्पष्ट केले होते. याचबरोबर त्यांनी डिसेंबर महिन्यात विद्यापीठांमध्ये 'कामधेनू चेअर' सुरू करून त्या आधारे गो विज्ञानाचे अध्यापन विद्यापीठात द्यावे, असे आवाहन सर्व विद्यापीठांना केले होते.
मुंबई विद्यापीठातील संशोधनाला आरआरसी कमिटीच्या बैठकीअभावी खीळ
CMAT 2021 परीक्षा लांबणीवर, नव्या तारखा लवकरच
शिक्षण क्षेत्रात नाराजी
आयोगाच्या माध्यमातून विद्यार्थ्यांना देशी गायी आणि त्याच्याशी संबंधित अर्थव्यवस्था, पर्यावरण, आरोग्य आदी बाबींची ओळख करून देण्यात येत आहे. विद्यार्थ्यांना ही परीक्षा विविध भारतीय भाषांमध्ये देता येणार आहे. यासाठीचे शैक्षणिक साहित्यही आयोगाच्या वेबसाइटवर उपलब्ध करून देण्यात आले आहे. आयोगामार्फत अशा परीक्षांचे आयोजन करण्यास मज्जाव नाही. मात्र, विद्यापीठ अनुदान आयोगाने पत्रक काढून विद्यापीठांना अशी सूचना देण्याबाबत शिक्षण क्षेत्रात नाराजी व्यक्त करण्यात येत आहे.
पहिल्यांदाच होणार 'अशी' परीक्षा.. 'गो विज्ञान' वर राष्ट्रीय परीक्षा
IIFT 2021 परीक्षेचा निकाल जाहीर
देशात गो-विज्ञानाचा प्राचार आणि प्रसार व्हावा, या उद्देशाने २०१९मध्ये केंद्रीय पशुसंवर्धन आणि मत्स्योपादन मंत्रालयाने राष्ट्रीय कामधेनू आयोगाची स्थापना केली. आयोगामार्फत येत्या २५ फेब्रुवारी रोजी एका प्रमाणपत्र स्पर्धा परीक्षेचे आयोजन करण्यात आले आहे. ही स्पर्धा परीक्षा चार गटांत पार पडणार आहे. यात शालेय स्तरावर दोन, तर कॉलेज स्तरावर एक गट आहे आणि चौथा गट हा खुला असून यामध्ये कोणतीही व्यक्ती परीक्षा देऊ शकणार आहे. एक तासाच्या या परीक्षेत देशातील गायींचे प्रकार, त्याचे महत्त्व, पंचगव्य इत्यादी विषयाशी संबंधित अभ्यासक्रम देण्यात आला आहे. यात गाय कशी औषधी आहे, इथपासून ते गायीशी संबंधित स्तोत्र, श्लोक यांचाही समावेश करण्यात येणार आहे. ही परीक्षा बहुपर्यायी प्रश्नोत्तरे या स्वरूपात पार पडणार असून, ती ऑनलाइन देता येणार आहे. परीक्षा संपताच निकाल प्राप्त होणार असून प्रमाणपत्रही मिळणार आहे. या परीक्षेला बसण्यासाठी विद्यार्थ्यांना प्रोत्साहन द्यावे, या उद्देशाने विद्यापीठ अनुदान आयोगाचे सचिव रजनीश जैन यांनी सर्व विद्यापीठांना पत्र पाठवले आहे.
विद्यार्थी; तसेच देशातील प्रत्येक नागरिकाला भारतीय गायीबद्दल माहिती मिळावी, या उद्देशाने या परीक्षेचे आयोजन करण्यात येत असल्याचे कामधेनू आयोगाचे अध्यक्ष वल्लभभाई कथिरिया यांनी परीक्षेची घोषणा करताना स्पष्ट केले होते. याचबरोबर त्यांनी डिसेंबर महिन्यात विद्यापीठांमध्ये 'कामधेनू चेअर' सुरू करून त्या आधारे गो विज्ञानाचे अध्यापन विद्यापीठात द्यावे, असे आवाहन सर्व विद्यापीठांना केले होते.
मुंबई विद्यापीठातील संशोधनाला आरआरसी कमिटीच्या बैठकीअभावी खीळ
CMAT 2021 परीक्षा लांबणीवर, नव्या तारखा लवकरच
शिक्षण क्षेत्रात नाराजी
आयोगाच्या माध्यमातून विद्यार्थ्यांना देशी गायी आणि त्याच्याशी संबंधित अर्थव्यवस्था, पर्यावरण, आरोग्य आदी बाबींची ओळख करून देण्यात येत आहे. विद्यार्थ्यांना ही परीक्षा विविध भारतीय भाषांमध्ये देता येणार आहे. यासाठीचे शैक्षणिक साहित्यही आयोगाच्या वेबसाइटवर उपलब्ध करून देण्यात आले आहे. आयोगामार्फत अशा परीक्षांचे आयोजन करण्यास मज्जाव नाही. मात्र, विद्यापीठ अनुदान आयोगाने पत्रक काढून विद्यापीठांना अशी सूचना देण्याबाबत शिक्षण क्षेत्रात नाराजी व्यक्त करण्यात येत आहे.
पहिल्यांदाच होणार 'अशी' परीक्षा.. 'गो विज्ञान' वर राष्ट्रीय परीक्षा
IIFT 2021 परीक्षेचा निकाल जाहीर