शिक्षक दिन विशेष: डॉ. सर्वपल्ली राधाकृष्णन; शिक्षक ते नेता

Happy Teacher's Day 2020: शिक्षक दिन भारतात दरवर्षी ५ सप्टेंबर रोजी साजरा केला जातो. भारताचे पहिले उपराष्ट्रपती आणि दुसरे राष्ट्रपती डॉ. सर्वपल्ली राधाकृष्णन यांच्या जन्मदिवसाचे औचित्य साधून हा दिवस 'शिक्षक दिन' म्हणून साजरा होतो. डॉ. सर्वपल्ली राधाकृष्णन यांच्याविषयी जाणून घेऊ...

डॉ. सर्वपल्ली राधाकृष्णन यांचा जन्म ५ सप्टेंबर १८८८ रोजी झाला होता. सर्वपल्ली राधाकृष्णन एक सुप्रसिद्ध विद्वान, शिक्षक, नेता होते. एकदा त्यांचे विद्यार्थी आणि मित्रांनी त्यांना सांगितले की ते त्यांचा वाढदिवस साजरा करू इच्छितात. त्यावर त्यांनी सांगितले होते, 'माझा जन्मदिवस वेगळा साजरा करण्याऐवजी शिक्षक दिवस म्हणून साजरा झाला तर मला अभिमान वाटेल.' हा दिवस १९६२ सालापासून शिक्षक दिन म्हणून साजरा होऊ लागला.

डॉ. सर्वपल्ली राधाकृष्णन यांच्याविषयी काही महत्त्वाच्या गोष्टी जाणून घेऊ -

- डॉ. सर्वपल्ली राधाकृष्णन यांचा जन्म ५ सप्टेंबर १८८८ रोजी थिरुथानी, तामिळनाडू येथे एका मध्यमवर्गीय कुटुंबात झाला.

- ते एक अत्यंत हुशार विद्यार्थी होते. त्यांनी तत्कालीन मद्रास येथील ख्रिस्ती कॉलेजात तत्वज्ञान विषयातील शिक्षण घेतले.

- डॉ. सर्वपल्ली राधाकृष्णन यांनी मैसून विद्यापीठापासून कोलकाता विद्यापीठापर्यंत विविध महाविद्यालयांमध्ये अध्यापन केले.

- त्यांनी आंध्र विद्यापीठ, दिल्ली विद्यापीठासह बनारस हिंदू विद्यापीठाचे कुलगुरू म्हणून नियुक्त केले गेले होते.

- १९३० मध्ये त्यांना शिकागो विद्यापीठात तुलनात्मक धर्म विषयात हेस्केल लेक्चरर म्हणून नियुक्त केले गेले.

शिक्षक दिन कधी सुरू झाला? काय आहे इतिहास?

- डॉ. सर्वपल्ली राधाकृष्णन यांनी युनेस्कोत भारतीय प्रतिनिधी मंडळाचे नेतृत्व केले आणि १९४८ मध्ये ते युनेस्केचे कार्यकारी मंडळाचे अध्यक्ष म्हणून निवडले गेले.

- डॉ. सर्वपल्ली राधाकृष्णन यांना १९५४ साली भारताचा सर्वोच्च नागरी सन्मान 'भारत रत्न' पुरस्काराने सन्मानित करण्यात आले.

शिक्षक दिन विशेष: आवडत्या शिक्षकांना द्या शुभेच्छा...

- डॉ. सर्वपल्ली राधाकृष्णन यांना २७ वेळा नोबेल पुरस्कारासाठी नामांकन मिळाले आहे.

- १६ एप्रिल १९७५ रोजी चेन्नई येथे डॉ. सर्वपल्ली राधाकृष्णन यांचे निधन झाले.