UPSC CMS परीक्षेची अर्ज प्रक्रिया सुरू

UPSC CMS Exam 2020: केंद्रीय लोकसेवा आयोगाने कम्बाइंड मेडिकल सर्व्हिस परीक्षा (CMS) २०२० परीक्षेचं नोटिफिकेशन जाहीर केलं आहे. या परीक्षेसाठी अर्ज करण्याची प्रक्रिया सुरू झाली आहे. इच्छुक आणि योग्य उमेदवार १८ ऑगस्ट सायंकाळी ६ वाजेपर्यंत अर्ज करू शकणार आहेत. अर्ज करण्यासाठी upsconline.nic.in या आयोगाच्या अधिकृत संकेतस्थळावर जावं लागेल. परीक्षेसाठी अर्ज करणाऱ्या उमेदवारांना २५ ऑगस्ट ते ३१ ऑगस्ट २०२० पर्यंत आपला अर्ज मागे घेण्याची मुदत देण्यात आली आहे.

या परीक्षेमार्फत एकूण ५५९ पदांवर भरती केली जाणार आहे. अधिकृत वेळापत्रकानुसार, कम्बाइंड मेडिकल परीक्षा २०२० चं आयोजन २२ ऑक्टोबर रोजी होणार आहे. यूपीएससी सीएमएस परीक्षा संगणक आधारित आहेत. उमदेवारांना कॉम्प्युटर बेस्ड मोडवर २ ऑब्जेक्टिव पेपर्सची चाचणी द्यावी लागेल. संगणकाधारित मोडवरील या परीक्षेसाठी डेमो मॉड्युल, ई-अॅडमिट कार्ड जारी होण्यावेळी यूपीएससीच्या संकेतस्थळावर माहिती देण्यात येईल.

अर्ज शुल्क

अर्जाचे शुल्क म्हणून २०० रुपये भरावे लागतील. महिला, अनुसूचित जाती, अनुसूचित जमाती आणि पीडब्ल्यूडी उमेदवारांसाठी शुल्कमाफी आहे.

स्टेट बँकेत जम्बो भरती; हजारो पदे रिक्त

महत्त्वाच्या तारखा

अर्ज करण्याची सुरुवात - २९ जुलै २०२०

अर्ज करण्याची अंतिम मुदत - १८ ऑगस्ट २०२०

अर्ज मागे घेण्याची मुदत - २५ ते ३१ ऑगस्ट

इच्छुक आणि योग्य उमेदवार पुढे दिलेल्या थेट लिंकवर क्लिक करून अर्ज भरू शकतात.

ऑनलाइन अर्ज थेट लिंक

यूपीएससी सीएमएसचं अधिकृत नोटिफिकेशन वाचण्यासाठी येथे क्लिक करा.