UPSC IES 2020 परीक्षेची तारीख जाहीर

UPSC IES Exam 2020: केंद्रीय लोकसेवा आयोग अर्थात यूपीएससीने भारतीय आर्थिक सेवा परीक्षा २०२० संदर्भातील आपला आधीचा निर्णय रद्द केला आहे. यापू्र्वी अर्थविषयक विभागाच्या मागणीनुसार यूपीएससीने यावर्षी आर्थिक सेवा परीक्षा आयोजित न करण्याचा निर्णय घेतला होता. पण आता याच विभागाच्या आग्रहावरून हा निर्णय बदलण्यात आला आहे. ही परीक्षा आता १६ ते २० ऑक्टोबर २०२० दरम्यान होणार आहे. परीक्षेचे सविस्तर नोटिफिकेशन ११ ऑगस्ट २०२० रोजी जारी केले जाणार आहे.

यूपीएससीने आयईएस / आयएसएस परीक्षेचे अधिकृत नोटिफिकेशन १० जून २०२० रोजी जारी केले होते. अर्ज करण्याची मुदत १० ते ३० जूनपर्यंत होती. यूपीएससीच्या नोटिफिकेशननुसार, भारतीय आर्थिक सेवेच्या ४७ पदांवर भरती होणार होती. पण त्यावेळी भारतीय आर्थिक सेवेत एकही पद रिक्त नव्हते.

IES परीक्षेसाठी पात्रता

उमेदवारांकडे कोणत्याही मान्यताप्राप्त विद्यापीठाची किंवा भारत सरकारद्वारे स्वीकृत परदेशी विद्यापीठाची इकॉनॉमिक्स/अप्लाइड इकॉनॉमिक्स/बिजनस इकॉनॉमिक्स/इकोनोमेट्रिक्स मधील पदव्युत्तर पदवी असणे अनिवार्य आहे.

दिल्ली विद्यापीठांच्या UG, PG प्रवेशअर्जांना मुदतवाढ

वयोमर्यादा

उमेदवाराचे वय किमान २१ वर्षे आणि कमाल ३० वर्षे असावे.

सीआरपीएफ भरती: अर्ज भरायला सुरुवात

स्टाफ सिलेक्शन कमिशनद्वारे हजारो पदांवर भरती

केंद्रीय सेवेत ग्रुप ए अधिकारीसाठी आयईएस हे एक प्रवेशद्वार मानले जाते. जे उमेदवार आयईएस / आयएएस परीक्षा उत्तीर्ण होतात त्यांना योजना आयोग, योजना मंडळ, अर्थ मंत्रालय, भारतीय नमुना सर्वेक्षण विभागात विविध केडर पदांवर नियुक्त केले जाते. त्यांची नियुक्ती अर्थशास्त्र आणि सांख्यिकीचे विशेषज्ञ जेथे आवश्यक असतात अशा सहाय्यक कार्यालयांमध्ये देखील होते.

यूपीएससीचे आयईएस परीक्षेसंदर्भातील नोटिफिकेशन वाचण्यासाठी येथे क्लिक करा.