माझ्या मुलाने नुकतीच दहावीची परीक्षा दिली आहे. इंजिनीअरिंगमधील चांगली मागणी असणारा डिप्लोमा कोणता?
- नंदकुमार चव्हाण
एक लक्षात घ्या, की प्रथम तुम्हाला आपल्या मुलाची बुद्धिमत्ता, शैक्षणिक क्षमता जाणून घ्यायला हवी आणि मग त्यानुसार कोर्स निवडायला हवा. इंजिनीअरिंगमध्ये अनेक शाखा असून, त्यातील चांगली किंवा वाईट शाखा असे आपल्याला म्हणता येणार नाही. डिप्लोमा इंजिनीअरिंग कोर्स उपलब्ध असणारी कॉलेजांची यादी तुम्हाला डीटीई (http://www.dtemaharashtra.gov.in/) / एमएसबीटीई (http://msbte.org.in/) या वेबसाइटवर मिळेल.
बारावीनंतर मी मेकॅनिकल इंजिनीअरिंग केले असून, सध्या मी एका खासगी कंपनीत काम करतो. मला एमएस्सी किंवा सिव्हिलमधून डिप्लोमा करता येईल का?
- सागर लोंढे
तुम्ही दोन वेगळ्या कोर्सेसबद्दल विचारत आहात. एक म्हणजे मास्टर्स डिग्री आणि दुसरे म्हणजे डिप्लोमा. या दोन्ही कोर्सेसचा कालावधी, पात्रता निकष या सगळ्याच गोष्टी वेगवेगळ्या आहेत. त्यामुळे तुम्ही थोडा विचार करा आणि आपल्याला नेमके काय करायचे आहे, हे आधी समजून घ्या. तुम्ही आता नोकरी करत आहात, त्यामुळे कोणत्याही कोर्सचा विचार केला, तरी तो करण्यासाठी तुम्हाला पार्ट-टाइम किंवा करस्पाँडन्स प्रकारातून करावा लागेल. आपल्या क्षमता, आपले ध्येय लक्षात घ्या आणि मग त्यानुसार योग्य तो निर्णय घ्या.
मी आताच बारावीची परीक्षा दिली आहे. मला बीएस्सी नर्सिंग कोर्स करायची इच्छा आहे. हा कोर्स केल्यावर पुढे कितपत वाव आहे? या कोर्सला प्रवेश मिळणे बारावीच्या गुणांवर अवलंबून आहे, की 'नीट'वर?
- राजेश दहिफळे
सामान्यत: नर्सेस हेल्थकेअरच्या क्षेत्रात म्हणजे खासगी व सरकारी रुग्णालये, क्लिनिक्स, नर्सिंग होम्स, रिहॅबिलिटेशन क्लिनिक्स/सेंटर्स (पुनर्वसन केंद्र), कम्युनिटी हेल्थ सेंटर्स (सामुदायिक आरोग्य केंद्र), एनजीओ (समाजसेवी संस्था) आदी ठिकाणी काम करतात. नर्सेस म्हणजे व्यावसायिक स्तरावर काम करणारे हेल्थकेअर प्रोफेशनल्स. जगभरातील हेल्थकेअर क्षेत्राचे काम सुरळीत सुरू राहण्यात हे प्रोफेशनल्स महत्त्वाची भूमिका बजावतात. बीएस्सी (नर्सिंग) कोर्स करण्यासाठी महाराष्ट्र नर्सिंग कौन्सिलनुसार, अधिकृत बोर्डाकडून बारावी सायन्स (पीसीबी विषयांसह) पास असणे आवश्यक आहे; तसेच बारावीला ४५ टक्के गुणांसह इंग्रजी मुख्य/पर्यायी भाषेचा अभ्यास केलेला असणे आवश्यक आहे.
मी बारावी कॉमर्सचा विद्यार्थी आहे. मला स्पोर्ट्स अँड फिटनेस या क्षेत्रात करिअर करायचे आहे. हा कोर्स उपलब्ध असणारी चांगली संस्था कोणती? या क्षेत्रात मी करिअर केले, तर किती पॅकेज मिळेल? मी स्पोर्ट्स मॅनेजमेंट क्षेत्राबाबतही ऐकले आहे. या क्षेत्रात करिअर करू, की स्पोर्ट्स अँड फिटनेस क्षेत्रात करू?
- अनिश चव्हाण
स्पोर्ट्स आणि फिटनेस हा विषय एकत्र येत असला, तरी ही दोन्ही क्षेत्रे वेगवेगळी आहेत. त्यामुळे तुम्ही आधी नीट ठरवा, की तुम्हाला क्रीडा (स्पोर्ट्स) क्षेत्रात करिअर करायचे आहे, की फिटनेसमध्ये? स्पोर्ट्स मॅनेजमेंटबाबत तुम्ही विचारत आहात, तर मुंबई विद्यापीठाच्या संयुक्त विद्यमाने चालवण्यात येणाऱ्या इंटरनॅशनल इन्स्टिट्यूट ऑफ स्पोर्ट्स मॅनेजमेंट-आयआयएसएम या एकमेव संस्थेत स्पोर्ट्स मॅनेजमेंटचा बॅचलर डिग्री कोर्स उपलब्ध आहे. या क्षेत्रात नोकरी करताना किती पॅकेज मिळणार, हा प्रश्न नंतर येतो. आधी तुम्हाला संबंधित कामाचा अनुभव आणि कौशल्ये आत्मसात करणे आवश्यक आहे. याच्या आधारेच तुम्हाला इथे चांगले बस्तान बसवता येईल. कोणत्या क्षेत्रात नोकरी करायची, हा तुमचा वैयक्तिक प्रश्न आहे. तुमच्या क्षमता जाणून घ्या, या कोर्सेसचा अभ्यासक्रम तपासा आणि मग योग्य तो निर्णय घ्या. मात्र, कोणताही निर्णय घेण्यापूर्वी नीट विचार करा.
- नंदकुमार चव्हाण
एक लक्षात घ्या, की प्रथम तुम्हाला आपल्या मुलाची बुद्धिमत्ता, शैक्षणिक क्षमता जाणून घ्यायला हवी आणि मग त्यानुसार कोर्स निवडायला हवा. इंजिनीअरिंगमध्ये अनेक शाखा असून, त्यातील चांगली किंवा वाईट शाखा असे आपल्याला म्हणता येणार नाही. डिप्लोमा इंजिनीअरिंग कोर्स उपलब्ध असणारी कॉलेजांची यादी तुम्हाला डीटीई (http://www.dtemaharashtra.gov.in/) / एमएसबीटीई (http://msbte.org.in/) या वेबसाइटवर मिळेल.
बारावीनंतर मी मेकॅनिकल इंजिनीअरिंग केले असून, सध्या मी एका खासगी कंपनीत काम करतो. मला एमएस्सी किंवा सिव्हिलमधून डिप्लोमा करता येईल का?
- सागर लोंढे
तुम्ही दोन वेगळ्या कोर्सेसबद्दल विचारत आहात. एक म्हणजे मास्टर्स डिग्री आणि दुसरे म्हणजे डिप्लोमा. या दोन्ही कोर्सेसचा कालावधी, पात्रता निकष या सगळ्याच गोष्टी वेगवेगळ्या आहेत. त्यामुळे तुम्ही थोडा विचार करा आणि आपल्याला नेमके काय करायचे आहे, हे आधी समजून घ्या. तुम्ही आता नोकरी करत आहात, त्यामुळे कोणत्याही कोर्सचा विचार केला, तरी तो करण्यासाठी तुम्हाला पार्ट-टाइम किंवा करस्पाँडन्स प्रकारातून करावा लागेल. आपल्या क्षमता, आपले ध्येय लक्षात घ्या आणि मग त्यानुसार योग्य तो निर्णय घ्या.
मी आताच बारावीची परीक्षा दिली आहे. मला बीएस्सी नर्सिंग कोर्स करायची इच्छा आहे. हा कोर्स केल्यावर पुढे कितपत वाव आहे? या कोर्सला प्रवेश मिळणे बारावीच्या गुणांवर अवलंबून आहे, की 'नीट'वर?
- राजेश दहिफळे
सामान्यत: नर्सेस हेल्थकेअरच्या क्षेत्रात म्हणजे खासगी व सरकारी रुग्णालये, क्लिनिक्स, नर्सिंग होम्स, रिहॅबिलिटेशन क्लिनिक्स/सेंटर्स (पुनर्वसन केंद्र), कम्युनिटी हेल्थ सेंटर्स (सामुदायिक आरोग्य केंद्र), एनजीओ (समाजसेवी संस्था) आदी ठिकाणी काम करतात. नर्सेस म्हणजे व्यावसायिक स्तरावर काम करणारे हेल्थकेअर प्रोफेशनल्स. जगभरातील हेल्थकेअर क्षेत्राचे काम सुरळीत सुरू राहण्यात हे प्रोफेशनल्स महत्त्वाची भूमिका बजावतात. बीएस्सी (नर्सिंग) कोर्स करण्यासाठी महाराष्ट्र नर्सिंग कौन्सिलनुसार, अधिकृत बोर्डाकडून बारावी सायन्स (पीसीबी विषयांसह) पास असणे आवश्यक आहे; तसेच बारावीला ४५ टक्के गुणांसह इंग्रजी मुख्य/पर्यायी भाषेचा अभ्यास केलेला असणे आवश्यक आहे.
मी बारावी कॉमर्सचा विद्यार्थी आहे. मला स्पोर्ट्स अँड फिटनेस या क्षेत्रात करिअर करायचे आहे. हा कोर्स उपलब्ध असणारी चांगली संस्था कोणती? या क्षेत्रात मी करिअर केले, तर किती पॅकेज मिळेल? मी स्पोर्ट्स मॅनेजमेंट क्षेत्राबाबतही ऐकले आहे. या क्षेत्रात करिअर करू, की स्पोर्ट्स अँड फिटनेस क्षेत्रात करू?
- अनिश चव्हाण
स्पोर्ट्स आणि फिटनेस हा विषय एकत्र येत असला, तरी ही दोन्ही क्षेत्रे वेगवेगळी आहेत. त्यामुळे तुम्ही आधी नीट ठरवा, की तुम्हाला क्रीडा (स्पोर्ट्स) क्षेत्रात करिअर करायचे आहे, की फिटनेसमध्ये? स्पोर्ट्स मॅनेजमेंटबाबत तुम्ही विचारत आहात, तर मुंबई विद्यापीठाच्या संयुक्त विद्यमाने चालवण्यात येणाऱ्या इंटरनॅशनल इन्स्टिट्यूट ऑफ स्पोर्ट्स मॅनेजमेंट-आयआयएसएम या एकमेव संस्थेत स्पोर्ट्स मॅनेजमेंटचा बॅचलर डिग्री कोर्स उपलब्ध आहे. या क्षेत्रात नोकरी करताना किती पॅकेज मिळणार, हा प्रश्न नंतर येतो. आधी तुम्हाला संबंधित कामाचा अनुभव आणि कौशल्ये आत्मसात करणे आवश्यक आहे. याच्या आधारेच तुम्हाला इथे चांगले बस्तान बसवता येईल. कोणत्या क्षेत्रात नोकरी करायची, हा तुमचा वैयक्तिक प्रश्न आहे. तुमच्या क्षमता जाणून घ्या, या कोर्सेसचा अभ्यासक्रम तपासा आणि मग योग्य तो निर्णय घ्या. मात्र, कोणताही निर्णय घेण्यापूर्वी नीट विचार करा.