गतिरोधकातील त्रुटीमुळे अपघात

नगर : औरंगाबाद रोडवर सोमवारी सकाळी एक अपघात झाला. पुढे जाणाऱ्या ट्रकवर पाठीमागून आलेल्या टेम्पो धडकला. यामध्ये टेम्पोचे मोठे नुकसान झाले. हा अपघात गतिरोधकातील त्रुटीमुळे झाला. गतिरोधकाची रचना अशी आहे, की तेथे वाहन पूर्णपणे थांबवावे लागते. शिवाय गतिरोधकाची सूचना देणारे फलक नाहीत. पाठीमागून आलेल्या वाहनचालकाला गतिरोधकावर अचानकपणे थांबलेल्या वाहनाचा अंदाज न आल्याने हा अपघात झाल्याचे दिसून येते. महामार्गावरील गतिरोधक यासंबंधी ठरवून दिलेल्या निकषानुसार होण्याची गरज आहे. अपघात होऊ नयेत म्हणून बसविण्यात आलेले गतिरोधकच सदोष असतील तर तेच अपघाताचे कारण बनत आहेत.

- विजय मते