रात्री नऊनंतर कोंडी

नगर : सायंकाळी शहरातून अवजड वाहनांना बंदी असते. रात्री बंदीची मुदत संपताच जड वाहने एकदम शहरात येतात. त्यामुळे औरंगाबाद रोडवर रात्री नऊच्या सुमारास दररोज कोंडी होते. एसीपी चौक ते कोठला चौकापर्यंत वाहतूक दोन्ही बाजूंनी वाहतूक ठप्प होते. एसपी चौकाच्यापुढे मनमाड आणि औरंगाबाद या दोन्ही रस्त्यांवरील वाहतूक एकत्र येते. तर दुसरीकडे कोठला चौकातील बेशिस्त आणि स्थानिक वाहनांमुळे कोंडीत भर पडते. वाहतूक पोलिस तेथे गेले तरी त्यांना वाहतूक सुरळीत करण्यासाठी वेळ लागतो. त्यामुळे जड वाहने एकदम न सोडता टप्याटप्प्याने सोडण्याची गरज आहे.

- जाकीर शेख