धोकादायक पद्धतीने काम सुरूच

नगर : काही दिवसांपूर्वी कोठला स्टँड येथे खड्ड्यात उतरून काम करणाऱ्या बीएसएनएलच्या कर्मचाऱ्याचा वाहनाच्या धडकेने मृत्यू झाला होता. त्यामुळे असुरक्षित पद्धतीने खोदकाम करणे जीवावर बेतू शकते, हे समोर आले. मात्र, त्यातूनही बोध घेण्यात आलेला नाही. ड्रेनेजची दुरुस्ती करणारे कर्मचारी अद्यापही अशाच धोकादायक पद्धतीने काम करतात. माणिक चौकात भर रस्त्यात काम करणाऱ्या या कर्मचाऱ्याने सुरक्षेसंबंधी कोणतीही दक्षता घेतलेली दिसत नाही. वरिष्ठांनीही असे प्रकार गांभीर्याने घेतलेले नाहीत, हेच यावरून दिसून येते.

- प्रणव दिकोंडा