हायमास्ट बंद

नगर : नगर शहरात पूर्वी प्रत्येक चौकात हायमास्ट दिवे बसविण्यात आले होते. काही दिवसांपासून मात्र, त्यातील बहुतांश दिवे बंद पडले असून त्यांची दुरूस्ती केली जात नाही. त्यामुळे पूर्वी उजाळलेले चौक आता पुन्हा अंधारात गेले आहेत. अनेक ठिकाणी पथदिवेही नाहीत, त्यामुळे रात्री अंधार असतो. या दिव्यांवर त्यावेळी खूप खर्च करण्यात आला होता. संबंधित लोकप्रतिनिधींची नावेही त्यावर टाकण्यात आली होती. उद्घाटनाचे कार्यक्रम झाले होते. आता मात्र या दिव्यांकडे कोणाचेही लक्ष नाही.

- सागर चाबुकस्वार