पोलिसांच्या वाहनाला नंबर नाही

नगर : वाहनांवर नंबर न टाकता ते रस्त्यावर आणणे गुन्हा आहे. पोलिस आणि आरटीओ अशा वाहनांवर कारवाई करतात. मात्र, अनेकदा पोलिसच या नियमाचा भंग करतात. नगरच्या कोर्टात बंदोबस्तासाठी आलेल्या पोलिसांनीही आपल्या वाहनावर नंबर टाकलेला नसल्याचे आढळून आले. ज्यांनी कारवाई करायची त्याच पोलिसांनी जेथे न्यायप्रक्रिया चालते त्या कोर्टाच्या आवारात नियम मोडून वाहन आणले तर त्यातून अन्य नागरिकांनी काय संदेश घ्यायचा? वरिष्ठ अधिकाऱ्यांनी यामध्ये लक्ष घालण्याची गरज आहे. कायदा सर्वांसाठी सारखाच आहे, हे लक्षात घेतले पाहिजे.


- अॅड. शिवाजी कराळे