तलावातील पाणी रस्त्यावर

नगर : सिद्धिबाग येथील पोहण्याच्या तलावाची साफसफाई करण्यासाठी त्यातील पाणी रस्त्यावर सोडले जाते. मात्र, या ठिकाणी ड्रनेज तुंबलेले आहे. त्यामुळे हे पाणी वाहून न जाता रस्त्यावर साचते. बराच काळ पाणी साचल्याने रस्ता खराब होतो. तेथे पडलेले खड्डे आणखी वाढत जातात. अलीकडेच या रस्त्याची दुरुस्ती करण्यात आली आहे; मात्र, त्यावर पाणी सोडण्याचे प्रकार सुरूच आहेत. त्यामुळे रस्ता पुन्हा खराब होण्याची शक्यता नाकारता येत नाही. पाण्याचा निचरा होईल, अशी व्यवस्था संबंधितांनी करण्याची गरज आहे.


- अरविंद मुनगेल