बसस्थानक परिसरातील पोस्ट ऑफिस बंद

माळीवाडा मध्यवर्ती बसस्थानक येथे गेल्या अनेक वर्षापासून चालू असलेले पोस्ट कार्यालय गेल्या तीन महिन्यांपासून बहुतांश वेळा बंदच दिसते. सदर कार्यालय संध्याकाळी पाच ते रात्री आठ वाजेपर्यंत चालू असायचे. अतिशय उपयुक्त्त असे हे कार्यालय नोकरी करणारे, दिवसभर काम करणारे व्यवसायिक यांना फार फायद्याचे ठरत होते. तसेच जिल्हा परिषदेसह अनेक सरकारी कार्यालयांचे पत्रव्यवहार देखील या कार्यालयामार्फत करण्यात येत. जिल्ह्यातून येणाऱ्या टपालांची आवक-जावक याच कार्यालयातून चालते. परंतु हे कार्यालय बहुतांश वेळा बंद असल्यामुळे पत्रव्यवहार करण्यासाठी कार्यालयात येणाऱ्या नागरिकांचे हाल होत आहेत.


-महावीर पोखरणा