भिस्तबाग चौकात सिग्नल झाकला

नगर : पाइपलाइन रस्त्यावर भिस्तबाग चौकात सिग्नल उभारण्यात आला आहे. अलीकडेच तो कार्यान्वित करण्यात आला आहे. मात्र, तेथील एका झाडाच्या फांदीमुळे सिग्नल झाकला जात आहे. मनमाड रोडकडून येणाऱ्या वाहनांना श्रीराम चौकाकडे जाताना हा सिग्नल व्यवस्थित दिसत नाही. एक तर येथे अद्याप सिग्नलची शिस्त पाळण्यात येत नाही, त्यातच सिग्नल झाकल्याचे कारण वाहनचालकांना मिळत आहे. महापालिका आणि वाहतूक पोलिसांनी याची दखल घ्यावी.

- कैलाश दिघे