रेल्वेची शिस्त एसटीत का नाही?

रेल्वे स्टेशनवर स्वच्छतेला महत्त्व देताना त्यासाठी दंड आकरण्याची कडक कारवाई केली जाते. ठिकठिकाणी याची माहिती देणाऱ्या पाट्या लावलेल्या असतात. कोणी नियम मोडला तर दंड केला जातो. त्यामुळे स्थानकात बऱ्यापैकी स्वच्छता राहते. एसटी स्टँडच्या बाबतीतही ठिकठिकाणी प्रवाशांना आवाहन करणाऱ्या पाट्या लावलेल्या असतात, मात्र तेथे ही शिस्त पाळली जात नाही. त्यामुळे शहर असून की गाव सर्व ठिकाणच्या एसटी स्टँडवर अस्वच्छता असते. जे रेल्वेला शक्य होते, ते एसटीला का नाही?

- दिनेश कुलकर्णी