मंदिरासमोरील कचरा हटला

नगर : दिल्लीगेट येथील शमी गणपती मंदिरासमोरील मोकळ्या जागेत अनेक दिवसांपासून कचरा साठला होता. सफाई कर्मचारीही त्याकडे लक्ष देत नव्हते. 'सिटीझन रिपोर्टर'मधून याकडे लक्ष वेधण्यात आले होते. अखेर, महापालिकेच्या साप्ताहिक स्वच्छता अभियानाच्या वेळी येथे साफसफाई करण्यात आली. उपमहापौर श्रीपाद छिंदम आणि प्रशासन अधिकारी-कर्मचारी या अभियानात सहभागी झाले होते. अशी मोहीम प्रत्येक भागात नियमित व्हावी. एकदा केलेली सफाई कायम ठेवण्याची जबाबदारी त्या भागातील नागरिकांनी घेतली पाहिजे.


- अरविंद मुनगेल