खड्डे दुरुस्ती व्यवस्थित करावी

स्टेशन रोडवर बसस्थानक परिसरात ट्रकमध्ये सिमेंट व खडीचे मिश्रण आणून खड्डे बुजविण्याचे काम सुरू आहे. परंतु हे काम रोलर आणि डांबर यांचा वापर न करता करण्यात येतेय. त्यामुळे या खड्डे बुजविण्याच्या कामाबाबत प्रश्नचिन्ह निर्माण होतेय. यावरून महापालिका व सार्वजनिक बांधकाम विभाग खड्डे दुरुस्तीचा विषय गांभीर्याने न घेता रस्त्याचे महत्त्व कमी करीत असल्याचे दिसून येते. मात्र, नागरिकांना होणाऱ्या त्रासाचा विचार करून खड्डे दुरुस्तीचे काम व्यवस्थित करावे.

- दिनेश कुलकर्णी