सिग्नलचा गोंधळ

एमआयडीसी भागात नागापूरजवळील सिग्नलवर वाहनचालकांचा नेहमीच गोंधळ उडतो. यातील तांत्रिक त्रुटी दूर करण्याची गरज आहे. याशिवाय वाहनचालकांना वाहतुकीची शिस्त लागावी यासाठी प्रयत्न करणे गरजेचे आहे. येथे नियमितपणे पोलिस थांबत नाहीत. वर्दळीचा चौक असल्याने सतत गर्दी असते. अनेक जण नियम मोडून पुढे जातात. त्यामुळे सर्वांनाच त्रास होऊन चौकात कायमच वाहतुकीची कोंडी होत असते. यामध्ये सर्वांचाच वेळ वाया जातो. प्रशासनाने हा प्रश्न गांभीर्याने घेऊन यावर उपाय करण्याची गरज आहे.

- के. गोपालकृष्णन