पाइप फुटल्याने दूषित पाणी

जालना रोडवरील धूत हाॅस्पिटलच्या कंपाउंड वाॅलशेजारी पिण्याच्या पाण्याची पाइप लाइन फुटल्याचे दिसते. तेथे अनेक दिवसांपासून लाखो लीटर पाणी वाया गेले आहे. महापालिकेच्या पाणीपुरवठा विभागाला हे दिसत नसेल का, असा प्रश्न सर्वसामान्य नागरिकांना पडतो. येथे काही लोक येथे कपडे धुतात. रिक्षाचालक रिक्षा धुताना आढळतात. या प्रकारामुळे जलवाहिनीतील पाणी प्रदूषित होत असून, नागरिकांचे आरोग्य धोक्यात आले आहे. महापालिकेच्या पाणीपुरवठा विभागाने फुटलेली पाइप लाइन तातडीने दुरुस्त करून पाण्याचा अपव्यय टाळावा, अशी अपेक्षा आहे.


-समाधान देशमुख