भारताची सध्याची स्थिती ही तिसऱ्या टप्प्यातील चालू आहे. कडक आणि नियोजन पूर्वक साेशल डिस्टनसिंग युराेपीय देशांनी खूप पूर्वी सुरु केले. इटलीने हाेम क्वारंटाईनचा कालावधी वाढवला आहे. भारताने सुरवातीला दक्षिण पूर्वी आशियाई देशांमधून येणाऱ्या सर्व प्रवाशांचे स्क्रिनिंग सुरु केले. त्यानंतर सर्व देशांमधून भारतातील विविध आंतरराष्ट्रीय विमानतळावर येणाऱ्या प्रवाशांचे स्क्रिनिंग करण्यास सुरवात केली. वुहान, चीन आणि इतर चिनी विमानतळांवरुन भारतीयांना बाहेर काढण्यासाठी एअर इंडिया आणि भारतीय वायुसेनेने बचाव मोहीम राबवली. त्यानंतर पंतप्रधान नरेंद्र माेदी यांनी 22 मार्च राेजी जनता कर्फ्यु पाळण्याचे आवाहन केले हाेते. खाजगी क्षेत्रातील कार्यलयांना अर्ध्या क्षमतेवर काम करण्यास सांगितले. 22 मार्च नंतर सर्व परदेशी विमान उड्डाणे रद्द करण्यात आली. मात्र पाहिजे तसे यश प्राप्त झाले नाही .सध्या शहरात लाॅकडाऊन करणे गरजेचं आहे, चौका चौकात पोलीसांची नजर असावी.विनाकारण फिरणाऱ्या नागरिकांना समज दिली पाहिजे.साेशल डिस्टनसिंग पाळल्यास काेराेना हाेण्याची शक्यता कमी असते. कामाच्या ठिकाणी किंवा इतर ठिकाणी विशिष्ट अंतर ठेवून बसायला हवे.वर्क फॉर्म होम चा अवलंब करावा, बाेलताना चार ते सहा फुटांचे अंतर ठेवायला हवे. ज्येष्ठ नागरिक आणि लहान मुलांची विशेष काळजी घ्यावी. साबणाने किेंवा हॅन्ड सॅनिटायझरने हात स्वच्छ करायला हवेत. चेहऱ्याला स्पर्श करणे टाळावे.प्रशासनाने शहरात कडक नियम लागू करावे.
शासनाचे निर्बंध कमी पडतात.
महाराष्ट्र टाइम्स.कॉम 7 Jul 2020, 5:30 am