बेशिस्त वेगवान वाहतूक

सिडको एन-७ बजरंग चौकातून जळगाव रोडकडे जाणाऱ्या मोटार सायकलस्वाराने डबलसीट जाताना स्वतःचे हेल्मेट वाहनाच्या मागे बांधून ठेवलेले होते. या मोटारसायकलस्वाराने डाव्या पायाने ढकलत ढकलत नियमाने चालणाऱ्या इतर वाहनांची कसलीही पर्वा न करता बेशिस्तपणे वेगाने वाहन चालवले. बेफाम तरुणाई भरधाव वेगाने वाहन चालवतानाचा अनुभव दररोजच येत आहे. त्यामुळे अपघातही होतात. अशा वाहनधारकांविरुद्ध दंडात्मक कारवाई जोपर्यंत होत नाही तोपर्यंत वाहनधारकांना शिस्त लागणार नाही, असे मत काही पालकांनी व्यक्त केले आहे.


-रवींद्र तायडे