शहानूरवाडीत हॉस्पिटल परिसरात अनेक समस्या

शहानूरवाडी परिसरातील एका हॉस्पिटल परिसरात अनेक समस्या भेडसावत आहेत. शेजारी मोठे मैदान असून तेथे पावसाचे पाणी साचलेले आहे. पाण्यामुळे कचरा कुचत असल्याने दुर्गंधी पसरली आहे. अनेक रुग्ण या हॉस्पिटलमध्ये उपचार घेण्यासाठी येत असतात. अशा रुग्णांसाठी परिसरातील अस्वच्छता हानीकारक ठरणारी आहे. डेंगी, मलेरियासारख्या आजारांची साथ सुरू असताना अस्वच्छतेची दखल मनपाने तातडीने घेण्याची गरज आहे.


-विनोद वट्टमवार