उखडलेले गट्टू बसवा

जळगाव रोडवरील एसबीओए स्कूलसमोरील गट्टू ७ ते ८ महिन्यांपासून उखडलेले आहेत. निवडणुकीच्या वेळी थातुरमातूर पद्धतीने हे गट्टू बसवण्यात आले होते, पण काही दिवसानंतरच ते उखडून गेले आहेत. त्यामुळे तेथे रोज अपघात होतात. कित्येक चारचाकी गाड्यांचे चेंबरही फुटले आहेत. या भागातील स्थानिक नगरसेवक व राजकारण्यांचा येण्या-जाण्याचा हाच मार्ग आहे, पण याकडे कोणीही लक्ष देत नाही. संबधितांनी याकडे तातडीने लक्ष देऊन उखडलेले गट्टू बसवावेत, अशी वाहनधारकांची मागणी आहे.

- विशालअप्पा गोंधळे, हडको, एन-११