औरंगाबादेतील महामार्गावर खड्डे

औरंगाबाद शहरात रस्ता सुरक्षेसाठी उपाययोजना केल्या पाहिजेत. खड्ड्यांचे फोटो प्रसिद्ध केल्यावर थोडीशी डागडुजी होते, परत सगळे थंड होते. पुढच्या वर्षी पुन्हा तेच. खड्ड्यांमुळे अपघात होण्याचे प्रमाण वाढले आहे. वाहनांचे ब्रेक नादुरुस्त होणे, टायर फुटणे असे प्रकार वारंवार घडतात. रस्त्यांवर वाहनचालक आणि पादचारी यांच्या सुरक्षिततेसाठी आवश्यक ती उपाययोजना करणे, महामार्गांवर वाहनांचा वेग मोजणारी यंत्रणा बसविली जाणे रस्त्यावर असलेले खड्डे, स्पीडब्रेकर यांची मोजदाद करणे महत्त्वाचे आहे. खड्डे, गतिरोधक अपघातास कारणीभूत ठरू नयेत म्हणून तातडीने उपाययोजना करण्यात यावी, अशी नागरिकांची मागणी आहे.

- महेंद्र रमंडवाल