सिडको हडको ची गुलमंडी म्हणून ओळखल्या जाणाऱ्या टीव्ही सेंटर भागातील शरद हॉटेल लगत एन ११ सुदर्शन नगर कॉर्नर आणि रमेश इलेक्ट्रिकल्स दुकानासमोरील एन ९ रोडवर भाजीपाल्यासह फळ भाज्यांची छोटी-मोठी दुकाने थाटल्याने विषेशत: संध्याकाळच्या वेळेस या रस्त्यावरून वाहने चालविणे कठीण होऊन जाते .या रोडवर शाळा,कोचिंग क्लासेस,दवाखाने,पॅथॉलॉजी, बँका, एटीएम व इतरही व्यापारी आहेत .कंपनीच्या बसेस ,ऑटो रिक्षा आणि खाजगी वाहनांची व विद्यार्थ्यांची या रोडवर सतत वर्दळ असते त्यातच रोडवर भाजीपाला व फळ विक्रेत्यांची दुकाने असल्याने व कोणतीच कारवाई प्रभावीपणे होत नसल्याने किरकोळ विक्रेत्यांचे चांगलेच फावलेले दिसते. तीच परिस्थिती जाधववाडी चौकात दिसते. प्रशासनाने वेळीच योग्य उपाययोजना करून मुख्य रस्ते वाहतुकीसाठी मोकळे करण्याची मागणी नागरिकांनी केली आहे.रवींद्र तायडे
रस्त्यावरील भाजी विक्रेत्यांचा वाहतुकीला अडथळा
महाराष्ट्र टाइम्स.कॉम 26 Nov 2018, 5:40 am