हडकोत पाण्याची नासाडी

हडको एन-११ भागातील सुदर्शन नगर, द्वारकानगर, गजानन नगर आदी वसाहतीत पाण्याची अक्षरशः नासाडी सुरू आहे. पिण्याचे व वापरावयाचे पाणी भरल्यावर रस्त्यावर असे पाणी सोडले जाते. एकीकडे कर अदा करूनही हर्सूल टी पॉईट भागातील म्हसोबानगर, व्यंकटेश नगर, अशोकनगर, भगतसिंगनगर, छत्रपतीनगर यांसह नवीन वसाहतीत पिण्याच्या पाण्याचे दुर्भिक्ष्य आहे. केवळ टँकरवरच कशीबशी तहान भागविणे सुरू आहे, तर दुसरीकडे पिण्याच्या पाण्याची अशी खुलेआम नासाडी सुरू असल्याने नागरिकांत संताप व्यक्त होत आहे. एन ११मधील जलकुंभाचे काम तातडीने पूर्ण करून वसाहतींची तहान भागवावी, अशी मागणी कित्येक वर्षापासून नागरिक करीत आहेत.

-रवींद्र तायडे