सर्वोत्तम वार्तांकनासाठी प्रवीण नेवेंचा गौरव

पुणे : स्थानिक प्रश्नांना नागरिकांनी वाचा फोडावी या उद्देशाने ‘महाराष्ट्र टाइम्स’ने सुरू केलेल्या ‘मटा सिटीझन अॅप’मध्ये सर्वोत्तम देणाऱ्या सिटीझन रिपोर्टर प्रवीण नेवे यांना शुक्रवारी स्मार्टफोन देऊन गौरविण्यात आले. पुण्याच्या विविध भागातून या उपक्रमाला नागरिकांचा उत्तम प्रतिसाद मिळत असून, त्यांच्या कार्याला प्रोत्साहन देण्यासाठी दर महिन्याला उत्कृष्ट बातमी देणाऱ्या सिटीझन रिपोर्टरला स्मार्टफोन देण्यात येणार आहे.

शहराच्या विविध भागात फिरताना दिसणाऱ्या समस्येला वाचा फोडून विकासाला पूरक असा बदल घडविण्याची ताकद प्रत्येक नागरिकात असते. पुण्यासारख्या शहराचा विस्तार मोठ्या प्रमाणावर होत असताना, स्थानिक प्रश्नांना वाचा नागरिकांनी फोडावी यासाठी ‘मटा’ने ‘सिटीझन रिपोर्टर’ उपक्रमाची सुरुवात केली. प्रवीण नेवे सातत्याने अॅपच्या माध्यमातून समस्या मांडत आहेत. गेल्या आठवड्यात शहरात पाऊस झाला. या पावसामुळे कोथरूड परिसरातील किनारा हॉटेलजवळ एचडीएफसी बँकेजवळ किती पाणी साठले, याचा फोटो त्यांनी योग्य वेळी टिपला.