म. टा. खास प्रतिनिधी, नाशिक
रस्त्यावर, रस्त्याच्या कडेला आणि अन्य ठिकाणीही अनेक समस्या आहेत. काही समस्या अगदीच किरकोळ आहेत तर काही अगदीच गंभीर. आम्ही पाठविलेली समस्या प्रसिद्ध झाली आहे. तसेच, आता आमचा सन्मानही झाला आहे. त्यामुळे आम्हाला आता मोठे बळ मिळाले आहे, अशा भावना ‘मटा सिटीझन रिपोर्टस’ने व्यक्त केल्या.
महाराष्ट्र टाइम्सने सिटीझन रिपोर्टर हे अॅप सर्वसामान्यांसाठी उपलब्ध करून दिले आहे. या अॅपद्वारे सर्वसामान्य विविध प्रकारच्या समस्यांना वाचा फोडू शकतात. घंटागाडी न येणे, रस्त्यातील खड्डे, वाहतूक नियमांची पायमल्ली, मोकळ्या भूखंडांची डोकेदुखी यासह अनेक बाबी अगदी सहजपणे या अॅपद्वारे पाठविता येऊ शकतात. गुगल प्ले स्टोअरवर हे अॅप विनामूल्य डाऊनलोड करता येते. या अॅपद्वारे आपापल्या परिसरातील समस्यांना वाचा फोडण्याचे काम मटाचे वाचक करीत आहेत. आठवड्यातील काही सिटीझन रिपोर्टर्सचा सन्मान केला जातो. शुक्रवारीही तीन सिटीझन रिपोर्टसला सन्मानित करण्यात आले. त्यात प्रतीक्षा भामरे, प्रतिमा पुंडे आणि प्रिया निकुंभ यांचा समावेश होता. या तिघांनीही ‘मटा’चे आभार मानत या नाविन्यपूर्ण अॅपचे कौतुक केले.
‘मटा’ने वाचकांना अभिनव स्वरुपाचे हे अॅप उपलब्ध करून क्रांती केली आहे. वर्तमानपत्रात सर्वच समस्या प्रसिद्ध होत नाहीत. त्याला मर्यादा आहेत. मात्र, आम्ही अगदी सहजच या अॅपद्वारे समस्या पाठवू शकतो. - प्रतीक्षा भामरे
श्रद्धा लॉन्सच्या समोरच्या रस्त्यावर साचलेले पाणी आणि त्यानंतर तो रस्ता वाहतुकीस बंद करण्यात आला. ही समस्या मी पाठवली होती. ती तातडीने प्रसिद्ध झाली. या रस्त्याच्या कामाची चौकशी होईल, अशी मला अपेक्षा आहे. - प्रतिमा पुंडे
उपनगर चौकाची समस्या मी पाठवली होती. ती तत्काळ प्रसिद्ध झाली. त्याची दखल घेत या चौकात आता सिग्नल बसविण्यात आला आहे. यापुढेही मी समस्या पाठवेन. ‘मटा’ने केलेल्या सहकार्याबद्दल आभार. - प्रिया निकुंभ
रस्त्यावर, रस्त्याच्या कडेला आणि अन्य ठिकाणीही अनेक समस्या आहेत. काही समस्या अगदीच किरकोळ आहेत तर काही अगदीच गंभीर. आम्ही पाठविलेली समस्या प्रसिद्ध झाली आहे. तसेच, आता आमचा सन्मानही झाला आहे. त्यामुळे आम्हाला आता मोठे बळ मिळाले आहे, अशा भावना ‘मटा सिटीझन रिपोर्टस’ने व्यक्त केल्या.
महाराष्ट्र टाइम्सने सिटीझन रिपोर्टर हे अॅप सर्वसामान्यांसाठी उपलब्ध करून दिले आहे. या अॅपद्वारे सर्वसामान्य विविध प्रकारच्या समस्यांना वाचा फोडू शकतात. घंटागाडी न येणे, रस्त्यातील खड्डे, वाहतूक नियमांची पायमल्ली, मोकळ्या भूखंडांची डोकेदुखी यासह अनेक बाबी अगदी सहजपणे या अॅपद्वारे पाठविता येऊ शकतात. गुगल प्ले स्टोअरवर हे अॅप विनामूल्य डाऊनलोड करता येते. या अॅपद्वारे आपापल्या परिसरातील समस्यांना वाचा फोडण्याचे काम मटाचे वाचक करीत आहेत. आठवड्यातील काही सिटीझन रिपोर्टर्सचा सन्मान केला जातो. शुक्रवारीही तीन सिटीझन रिपोर्टसला सन्मानित करण्यात आले. त्यात प्रतीक्षा भामरे, प्रतिमा पुंडे आणि प्रिया निकुंभ यांचा समावेश होता. या तिघांनीही ‘मटा’चे आभार मानत या नाविन्यपूर्ण अॅपचे कौतुक केले.
‘मटा’ने वाचकांना अभिनव स्वरुपाचे हे अॅप उपलब्ध करून क्रांती केली आहे. वर्तमानपत्रात सर्वच समस्या प्रसिद्ध होत नाहीत. त्याला मर्यादा आहेत. मात्र, आम्ही अगदी सहजच या अॅपद्वारे समस्या पाठवू शकतो. - प्रतीक्षा भामरे
श्रद्धा लॉन्सच्या समोरच्या रस्त्यावर साचलेले पाणी आणि त्यानंतर तो रस्ता वाहतुकीस बंद करण्यात आला. ही समस्या मी पाठवली होती. ती तातडीने प्रसिद्ध झाली. या रस्त्याच्या कामाची चौकशी होईल, अशी मला अपेक्षा आहे. - प्रतिमा पुंडे
उपनगर चौकाची समस्या मी पाठवली होती. ती तत्काळ प्रसिद्ध झाली. त्याची दखल घेत या चौकात आता सिग्नल बसविण्यात आला आहे. यापुढेही मी समस्या पाठवेन. ‘मटा’ने केलेल्या सहकार्याबद्दल आभार. - प्रिया निकुंभ