म. टा. प्रतिनिधी, नगर
‘महाराष्ट्र टाइम्स’च्या ‘सिटीझन रिपोर्टर’ उपक्रमामुळे शहरातील विकास कामे, प्रशासनाचे कामकाज यांच्यासह लोकप्रतिनिधी आणि नागरिकांची भूमिका यावर वॉच ठेवण्यास मदत होत आहे, असे मत ‘सिटीझन रिपोर्टर’ बनलेल्या नागरिकांनी व्यक्त केले. ‘सिटीझन रिपोर्टर’ उपक्रमात या आठवड्यात उल्लेखनीय काम केलेले वसंत राठोड व जितेंद्र अग्रवाल यांचा शुक्रवारी ‘महाराष्ट्र टाइम्स’च्या कार्यालयात प्रमाणपत्र देऊन सत्कार करण्यात आला. राठोड यांचे मेडिकल स्टोअर आहे, तर अग्रावल फोटोग्राफी करतात.
सरकार कितीही गतीमान असले तरी प्रशासनाच्या भूमिकेवर कामे अवलंबून असतात. दुर्देवाने आपल्याकडे बहुतांश प्रशासकीय यंत्रणा ढिम्म आहे. त्यांच्यावर वॉच ठेवण्यासाठी एखाद्या यंत्रणेची गरज होती. ती काही प्रमाणात ‘मटा’च्या सिटीझन रिपोर्टरमुळे भरून निघत आहे. लोकप्रतिनिधींसाठीही हा उपक्रम उपयुक्त असून आपल्या शहरात काय सुरू आहे, लोकांच्या काय भावना आहेत, हे यातून कळते. - वसंत राठोड
नगरची जनता सोशिक आहे. समस्येचे फोटो कसे काढायचे, त्या समस्या कोठे मांडायच्या याबद्दल त्यांच्या मनात संकोच होता. आता ‘मटा’ पाठीशी असल्याने सामान्य नागरिकही मोबाइल हातात घेऊन बिनधास्तपणे फोटो काढू लागले आहेत. यातून प्रश्न तर मांडले जातीलच, पण ‘सिटीझन रिपोर्टर’ केव्हाही कोठेही येऊन फोटो काढू शकतात, असा वचक प्रशासनावर राहण्यास यामुळे मदत होईल. ही संख्या जशी वाढत जाईल, याचे परिणाम दिसू लागतील. - जितेंद्र अग्रवाल
‘महाराष्ट्र टाइम्स’च्या ‘सिटीझन रिपोर्टर’ उपक्रमामुळे शहरातील विकास कामे, प्रशासनाचे कामकाज यांच्यासह लोकप्रतिनिधी आणि नागरिकांची भूमिका यावर वॉच ठेवण्यास मदत होत आहे, असे मत ‘सिटीझन रिपोर्टर’ बनलेल्या नागरिकांनी व्यक्त केले. ‘सिटीझन रिपोर्टर’ उपक्रमात या आठवड्यात उल्लेखनीय काम केलेले वसंत राठोड व जितेंद्र अग्रवाल यांचा शुक्रवारी ‘महाराष्ट्र टाइम्स’च्या कार्यालयात प्रमाणपत्र देऊन सत्कार करण्यात आला. राठोड यांचे मेडिकल स्टोअर आहे, तर अग्रावल फोटोग्राफी करतात.
सरकार कितीही गतीमान असले तरी प्रशासनाच्या भूमिकेवर कामे अवलंबून असतात. दुर्देवाने आपल्याकडे बहुतांश प्रशासकीय यंत्रणा ढिम्म आहे. त्यांच्यावर वॉच ठेवण्यासाठी एखाद्या यंत्रणेची गरज होती. ती काही प्रमाणात ‘मटा’च्या सिटीझन रिपोर्टरमुळे भरून निघत आहे. लोकप्रतिनिधींसाठीही हा उपक्रम उपयुक्त असून आपल्या शहरात काय सुरू आहे, लोकांच्या काय भावना आहेत, हे यातून कळते. - वसंत राठोड
नगरची जनता सोशिक आहे. समस्येचे फोटो कसे काढायचे, त्या समस्या कोठे मांडायच्या याबद्दल त्यांच्या मनात संकोच होता. आता ‘मटा’ पाठीशी असल्याने सामान्य नागरिकही मोबाइल हातात घेऊन बिनधास्तपणे फोटो काढू लागले आहेत. यातून प्रश्न तर मांडले जातीलच, पण ‘सिटीझन रिपोर्टर’ केव्हाही कोठेही येऊन फोटो काढू शकतात, असा वचक प्रशासनावर राहण्यास यामुळे मदत होईल. ही संख्या जशी वाढत जाईल, याचे परिणाम दिसू लागतील. - जितेंद्र अग्रवाल