पोस्टाने कॅश उपलब्ध करावी

हजार पाचशेच्या नोटा बंदीनंतर जवळ असलेल्या नोटा बदलण्यासाठी बँका व एटीएमसमोर रांगा लागल्या आहेत. ही गर्दी कमी व्हावी म्हणून सर्व पोस्ट कार्यालयांतून नोटा बदलण्याची सोय केली आहे. पण हातकणंगले तालुक्यातील हुपरी येथे पोस्ट कार्यालयात नोटा बदलून दिल्या जात नाहीत. या पोस्ट कार्यालयाच्या बाहेर ‘अद्याप हेड ऑफिस कडून कॅश आली नाही’ असा कायमस्वरूपी बोर्ड लावला आहे. तेव्हा हेड ऑफिसने हुपरी कार्यालयाला ताबडतोब कॅश उपलब्ध करून द्यावी. जेणेकरून इतर बँकासमोरील गर्दी थोडी फार कमी होईल.

- मोहनराव खोत