ड्रेनेज लाइन बदला

दाभोळकर कॉर्नर, ट्रेड सेंटर, पर्ल हॉटेल, आदित्य कॉर्नर या ठिकाणांहून मुख्य ड्रेनेज लाइनद्वारे वायल्डर मेमोरियल चर्च चौकात एकत्र येते. तेथून ते पुढे कनाननगरमार्गे जयंती नाल्यात सोडले गेले आहे. या सर्व ड्रेनेज लाइन जुन्या व कमी व्यासाच्या असून, अत्यंत अपुऱ्या पडत आहेत. त्यामुळे परिसरातील ड्रेनेजचे पाणी रस्त्यावरून वाहत असते. वायल्डर मेमोरियल चर्च चौकात तर रोज हीच परिस्थिती असते. त्यामुळे पादचारी, वाहन चालक यांना कसरत करावी, लागतेच त्याचबरोबर येथील रहिवाशांच्या आरोग्याचादेखील प्रश्न निर्माण झाला आहे. सखल भागात असलेल्या घरांमध्ये उलटे पाणी येत असते. तरी, या परिसरातील ड्रेनेज लाईन बदलून मोठ्या क्षमतेच्या कराव्यात.

- विश्वजीत मोहिते