डॉल्बीचा दणदणाट नकोच

गणरायाचे थाटात आगमन झाले आहे. विशेष म्हणजे शहरात यंदा एकाही सार्वजनिक मंडळाने डॉल्बीची मिरवणूक काढून गणपती आणला नाही. मिरवणुकांमध्ये सर्वत्र पारंपरिक वाद्येच दिसत होती. एका चांगल्या आणि सकारात्मक बाबीला कोल्हापुरातून सुरुवात झाली आहे, हे स्वागतार्ह आहे. अजूनही गणेशोत्सवाचे भरपूर दिवस शिल्लक आहेत. या काळातही डॉल्बीला फाटा देऊन पारंपरिक वाद्यांचाच वापर व्हावा, असे वाटते. विसर्जन मिरवणुकीतही डॉल्बी लावला नाही, तर कोल्हापूर राज्यापुढेच नव्हे, तर देशापुढे एक वेगळा आदर्श ठेवेल.

- विश्वास सरनाईक, कोल्हापूर