कचरा कुंडी बसवली

सीपीआरच्या प्रसूती विभागात प्रचंड गर्दी असते. रुग्णांबरोबर आलेल्या नातेवाईकांमुळे होत असलेल्या गर्दीमुळे ​त्यांचे शिल्लक राहिलेले जेवण टाकण्याची व्यवस्था नसल्याने तिथेच असलेल्या एका झाडाखाली टाकले जात होते. त्यामुळे तिथे येणाऱ्यांनाच त्रास होत असून सीपीआर प्रशासनाने तिथे कचरा कुंडीची व्यवस्था करण्याची मागणी ‘मटा सिटीझन रिपोर्टर’ मध्ये केली होती. त्या बातमीचा परिणाम होऊन सीपीआर प्रशासनाने त्या विभागाजवळ जिथे कचरा टाकला जात होता, तिथे नवीन कचरा कुंडी बसवली आहे. यामुळे तेथील नागरिकांची कचरा टाकण्याची सोय झाली असून आवारात कचरा होत नाही.


- जावेद शेख, कोल्हापूर