उड्डाणपुलाचे संरक्षक कठडे रंगवले

शिवाजी विद्यापीठकडून कागलला जाणाऱ्या रस्त्यावर उड्डाणपूल आहे. या पुलावर लाइटची व्यवस्था नाही. या उड्डाण पुलाच्या संरक्षक कठड्याला लावलेले काळ्या पिवळ्या रंगांचे संरक्षक पट्ट्यांचा रंग उडाला होता. याबाबतची फोटोसह बातमी 'सिटीझन रिपोर्टर' मध्ये प्रसिद्ध झाली होती. या बातमीत या रंगाचे पट्टे मारण्याची आवश्यकता आहे. अन्यथा अपघात होईल अशी शक्यता वर्तवण्यात आली होती. या बातमीचे गांभीर्य ओळखून तातडीने दखल घेतली गेली. या पुलाच्या संरक्षक कठड्याचे पट्टे रंगवण्यास सुरुवात केली आहे. यामुळे संरक्षक कठडा ठळकपणे दिसू लागला असून रात्री वाहनधारकांसाठी हे फार सोईचे झाले आहे.

- मोहन खोत, कोल्हापूर