दंडात्मक कारवाईची रक्कम कमी व्हावी महापालिकेने अवैध पार्किंग विरोधात दहा हजार रुपये पर्यंत दंडात्मक कारवाई सुरू केली आहे. पण, ही कारवाई बेकायदा आहे असे म्हटल्यास वावगे ठरू नये कारण मुंबईत गाड्यांच्या तुलनेत पार्किंग व्यवस्था उपलब्ध नाही. मुंबईत प्रत्यक्षात फक्त ३४ हजार गाड्या पार्क करण्यासाठी जागा उपलब्ध असून पुरेसे पार्किंग तयार होईपर्यंत दंडात्मक कारवाईची रक्कम अन्यायकारक असून ती कमी होणे गरजेचे आहे. गाडी अनधिकृत पार्क करणे, जेवढे चुकीचे तेवढेच पुरेशा प्रमाणात अधिकृत पार्किंग उपलब्ध करून न देणे हेई चुकीचेच आहे.सरसकट दहा हजार रुपये दंड आकारण्याआधी महापालिकेने मुंबईकरांना विश्वासात घेणे गरजेचे होते. महापालिकेत हा विषय मांडायला हवा होता. हरकती आणि सूचना मागविता असा नियम बनविणे योग्य नव्हे. -दादासाहेब येंधे, काळाचौकी, मुंबई
दंडात्मक कारवाईची रक्कम कमी व्हावी
महाराष्ट्र टाइम्स.कॉम 12 Jul 2019, 5:51 am