खरेतर कोठडी मृत्यू प्रकरणी गुन्हा सिद्ध झाल्यास नोकरीतून कायमचे निलंबित केले जाऊ शकते ही शक्यता लक्षात घेऊन पोलिसांनी बळाचा वापर टाळून त्याऐवजी अद्ययावत तंत्रज्ञानाचा वापर करावा. कोठड्यांमध्ये २४ तास कार्यरत असणारे सीसीटीव्ही कॅमेरे बसवावेत. आरोपींच्या चौकशीसाठी इंटरनेट, सोशल मीडिया, व्हिडिओ रेकॉर्डिंग आदींचा वापर व्हावा. महत्त्वाची बाब म्हणजे आरोपींकडून नेमकी आणि खरी माहिती मिळविण्यासाठी 'लाय डिटेक्टर टेस्ट' म्हणजे खोटे शोधक चाचणीचा वापर व्हावा. म्हणजे भक्कम पुरावे गोळा करणे आणि त्याआधारे गुन्हे दाखल करुन निर्विवाद सिद्ध करणे अधिक सोयिस्कर होऊन गुन्हेगारांना शिक्षा देणे शक्य होईल. मुख्य म्हणजे कोठडीतील मृत्यूचे प्रमाण कमी वा कालांतराने शून्यावर आणता येईल. ---- रविकांत तावडे.
आठवड्याचा प्रश्र्न - अद्ययावत तंत्रज्ञान वापरा.
महाराष्ट्र टाइम्स.कॉम 24 Dec 2019, 5:45 am