महोदय, इतक्यातच एक सिनेमा पहायला सहकुटुंब मल्टीप्लेक्स थिएटरला गेले असता, खाद्यपदार्थांचे दर पाहुन गरगरायला लागले. एवढे जास्त दराने खाद्यपदार्थ का विकले जात आहेत? या मनमानी वर कुणाचा अंकुश नाही असे वाटते. बाहेर 15 रुपयांना मिळणारी काॅफी चक्क 85 रुपयांना विकली जात आहे. अशीच अवस्था बाकी सर्व खाद्यपदार्थांची आहे. या मनमानी विरुद्ध कोणी चकार शब्द देखील काढत नाही, असे का? असा भाबडा प्रश्न माझ्यासारख्या सामान्य नागरिकांना पडला आहे. यावर काही कारवाई होणार की नाही? किती वर्ष अशीच रसिक प्रेक्षकांची पिळवणुक चालू रहाणार आहे? कृपया संबंधित अधिकार्यांनी समस्येकडे लक्ष द्यावे.
माॅल आणि मल्टीप्लेक्स थिएटरची मनमानी
महाराष्ट्र टाइम्स.कॉम 15 Jun 2017, 5:38 am