रिटायरमेंट नंतर आम्ही पेन्शनर मडळी नियमितपणे दरवर्षी आपआपल्या बँकेत जाऊन हयातीचा दाखला मुदतीत देत असतो. त्याप्रमाणे मी १३नोव्हेंबर२०१६ रोजी स्टेट बँक,मेरी शाखेत जाऊन माझ्या हयातीचा दाखला दिला. त्यानंतर नोव्हे.१६, डिसें.१६, व जाने.१७ या महिन्यांचे पेंशन मला मिळाले.इथपर्यंत ठीक झाले.परंतु फेब्रुवारी१७ ची पेंशन १०मार्च उजाडली तरी खात्यात जमा झाली नाही. म्हणून मी बँकेत धाव घेतली. तेव्हा स्टेट बँक,मेरी शाखेतून उत्तर मिळाले, 'बँकेत नोटाबंदीच्या कामाच्या व्यापामुळे पेंशनराचे हयातीचे दाखले ट्रेझरीकडे जरा उशीराने पाठवले गेले,त्यामुळे अनेक पेंशनरांची पेंशन रोखली गेली आहे.' आपल्या बँकेकडून झालेली चूक लक्षात घेऊन या बँकेच्या अधिकार्याने मला तात्काळ हयातीचा दाखला दिला व ट्रेझरीकडे देण्याचा सल्ला दिला.३दिवसांची सुट्टी संपल्यावर मी १४मार्चला तो दाखला ट्रेझरीकडे नेऊन दिला. तथापि यावेळेपावेतो माझी फेब्रु१७ची अडलेली पेंशन माझ्या बँकखात्यात जमा झालेली नाही.असा हा नोटाबंदीचा अप्रत्यक्ष फटका.
नोटाबंदीचा असाही फटका
महाराष्ट्र टाइम्स.कॉम 23 Mar 2017, 5:30 am